Á sínum yngri árum var Silvía Svíadrottning óneitanlega fögur. Sannarlega með fegursta kóngafólki heims.
Hún er fædd í desember árið 1943, átti þýskan föður og brasilíska móður en æskuárum sínum eyddi Silvía að mestu í Brasilíu þó hún hafi fæðst í vestur-Þýskalandi þess tíma.
Silvia Sommerlath, eins og hún hét áður en hún gifti sig, kynntist Karli Gústaf á Ólympíuleikunum í München þar sem hún var kynnir. Sagt er að kóngurinn hafi komið auga á hana með kíki og ákveðið að bjóða henni á deit. Þetta var árið 1972.
Árið 1977 giftu þau sig en hljómsveitin ABBA lék fyrir dansi í partý sem var haldið kvöldið fyrir hjónavígsluna. Geri aðrir betur. Silvía á þrjú börn með manni sínum, Viktoríu, Karl Filip og Madeleine.
Á síðustu árum hefur mikið verið skrafað og skeggrætt um tíðar fegrunaraðgerðir drottningarinnar en hún virðist heldur ósátt við að eldast.
Mögulega hefur líferni bóndans haft sín áhrif á það en hann er frægur fyrir sukksemi, framhjáhald og hórdóm, hélt meðal annars lengi við söngkonuna Camillu Henemark sem sagði frá öllu í bókinni ‘Bless mitt ljúfa líf’ sem kom út árið 2012. Camilla er 18 árum yngri en kóngurinn.
Að sögn sænsku slúðurpressunnar fer Silvía til Brasilíu í fegrunaraðgerðir sínar og kemur ekki til baka fyrr en hún hefur náð sér að fullu. Á myndunum hér fyrir neðan má sjá að á síðustu 20 árum hefur hún orðið undarlega slétt í framan, í raun er hún orðin svo strekkt að hún hefur verið uppnefnd Djókerinn eftir vonda karlinum úr Batman myndunum.
Líklegast getum við verið sammála um að frúin hafi farið full langt í viðleitni sinni til að líta vel út. Allt er best í hófi, það er ljóst.
Á sumum myndum lítur hún út eins og aukaleikari í Star Trek. Hún hefur farið í andlitslyftingu, látið setja fyllingarefni í kinnar og varir og er dugleg í húðslípun.
Margrét Danadrottning (t.v.) er þremur árum eldri en Silvía. Hún reykti lengi vel eins og strompur (gott ef hún gerir það ekki enn) og hefur ekki farið í eina einustu fegrunaraðgerð ef marka má myndir af henni.
Slúðurfréttamenn í Svíþjóð vilja meina að drotting þeirra fari að minnsta kosti árlega til Brasilíu að láta lappa upp á útlitið.
Með þessu áframhaldi mun hún kannski verða næsta Joan Rivers sem var ókrýnd drottning andlitslyftinganna og fór ekki leynt með dálæti sitt á þeim. En þangað til…
Fjölbreytileiki og góður fílíngur er mottó Pjattsins. Engar smellabeitur, bara endalaust af góðu efni, blogg, pistlar, uppskriftir, heilræði, heilsutips, menning, bækur, andlega hliðin og allskonar, allskonar enda höfum við verið í loftinu síðan 2009.
