ÚTLITIÐ: 6 bjútí tips frá konum heimsins

Hvernig fara konur í öðrum löndum að því að líta vel út? Búa þær yfir leyndarmálum sem við þekkjum ekki? Í hverju landi er að finna konur sem nota frumlegar og stundum ævafornar leiðir til að hressa upp á útlitið!

1. Japan

Japanskar konur borða mjög næringarríkan mat og álíta að það hjálpi þeim mest við að líta vel út. Á matseðlinum hjá þeim eru aðallega hrísgrjón, sojabaunir og sjávarfang. Einnig baða þær sig í heitum hverum til að mýkja húðina. Það gerum við reyndar líka.

2. Grikkland

Grískar konur nota sand í staðinn fyrir kornakrem til að fríska upp á húðina og fjarlægja dauðar húðfrumur. Þær byrja á að bera olíu á húðina, strjúka síðan sandi yfir og baða sig síðan í sjónum. Loks bera þær á sig sólvarnarkrem því húðin er sérstaklega viðkvæm fyrir sólinni á eftir. Þær mæla líka með Body Exfoliating Gel frá Shiseido.

3. Suður-Ameríka

Ótrúlegt en satt… Suðuramerískar konur nota avókadó ávöxtinn til að næra hárið og gefa því glans. Þær pressa safann úr vel þroskuðum ávexti, nudda honum síðan í hársvörðinn, láta hann virka í klukkutíma og þvo því næst úr með venjulegu sjampói. Avókadó olía getur gert sama gagn.

4. Kína

Hunang, mjólk og eggjahvíta geta komið að góðum notum í annað en matreiðslu. Kínverskar konur blanda þessu þrennu saman í andlitsmaska sem hefur reynst vel gegn bólum og hrukkum. Einnig er þekkt að konur noti hrísgrjónaedik sem andlitsvatn eða út í baðið.

Filippseyjar: Kókosolía á heiðurinn að því hversu glansandi og fallegt hár filippeyskra kvenna er og hvað húð þeirra er björt og fersk. Gott er að bera volga kókosolíu í hárið og láta hana vera í 20 mínútur áður en hún er skoluð úr.

5. Spánn

Ólífuolía gerir ekki aðeins gagn í eldhúsinu. Hana er líka gott að nota til að styrkja neglurnar. Spænskar senjórítur blanda volgri ólífuolíu og sítrónusafa saman og nudda vel inn í neglurnar til að veita þeim raka og mýkt. Ólífuolíuna nota þær einnig til að næra hárið og gefa því glans. Þær láta olíuna vera í hárinu í 20 mínútur og þvo hana síðan úr með sápu. Að lokum luma þær á leyndarmáli sem við getum vel nýtt okkur.

Þær nota sjávarsalt til að fríska upp á húðina. Þær setja handfylli af salti út í baðvatnið, bæta við nokkrum dropum af ilmolíu og baðið verður fullkomið.

6. Brasilía

Þar í landi mæla konur með jojobaolíu fyrir húð og hár, helst náttúrulegri en ef hún fæst ekki er hægt að nota t.d. Éclat du Jour frá Clarins.

Fengið að láni frá brudurin.is

Pjatt

Fjölbreytileiki og góður fílíngur er mottó Pjattsins. Engar smellabeitur, bara endalaust af góðu efni, blogg, pistlar, uppskriftir, heilræði, heilsutips, menning, bækur, andlega hliðin og allskonar, allskonar enda höfum við verið í loftinu síðan 2009.

pjatt.is