Farmers Market búðin við Hólmaslóð á Granda er algjört ævintýraland fyrir fagurkera en þar kennir ýmissa grasa og ég held það sé óhætt að fullyrða að þar finnir þú einhverja sæta jólagjöf ef þú ert ekki „búin með allt“.
Í jólagjafaleiðangrinum mínum, sem hófst klukkan 10 í morgun, renndi ég þar við í dag enda með mikla fóbíu fyrir mannmergð og var komin út úr Kringlunni með aðsvif rétt fyrir hádegi.
Ég brunaði út á Granda, að Hólmaslóð 2 en þar er einfalt mál að finna bílastæði og finna eitthvað fallegt hjá Farmers Market. Frábær þjónusta og nóg pláss. Fullkomið.
Þessi unga dama tekur á móti viðskiptavinum Farmers Market.
Ég hef alla tíð verið mjög mikill aðdáandi þessarar verslunar sem er rekin af þeim hjónum Jóel Pálssyni og Bergþóru Guðnadóttur hönnuði en fyrir utan það að vera frábær hönnuður er hún jafnframt mikil smekkkona og búðin er útfærð af aðdáunarferðu listfengi.
Æðislega falleg handgerð leðurhulstur fyrir iPhone 5. Ilmandi og flott.
Í versluninni finnur þú nefnilega ekki aðeins þessi fallegu og vönduðu föt sem Berþóra hannar heldur líka allskonar sérvalda hluti sem koma héðan og þaðan úr heiminum, allt frá hauskúpum yfir í handgerð reykelsi og skart. Bæði mamma, pabbi, litlu krílin og krakkarnir, þú finnur eitthvað fyrir alla í Farmers Market. Svo lengi sem það fólk er hrifið af vönduðum og fallegum varningi.
Fislétt gúmmístígvél og ullarsokkar. Fullkominn fótabúnaður fyrir færðina sem er úti.
Ég tók smá syrpu með myndavélina mína, bara til að leyfa ykkur að kíkja aðeins inn í búðina og sjá hvað þar er að finna. Ein skemmtilegasta gjöfin sem ég kom auga á kostar aðeins 1.500 kr en það er fallegt hefti, prentað hjá Reykjavík Letter Press, þar sem elskendur geta skrifað út litlar ‘ávísanir’ handa hvort öðru. Svo er auðvitað margt, margt, fleira en ég læt myndirnar tala sínu máli. 
Sumir eiga allt, en þó ekki hauskúpu af hrút með fjögur horn….
Jóel er saxófónleikari og því eðlilegt að hjá Farmers Market sé hægt að kaupa gott úrval af góðri tónlist.
Flottar, gamlar golfkylfur…
Farmers peysa á litla krílið. Ótrúlega smart!
Glæsilegur hattur sem fengið hefur nafnið Hólmur. Hentar bæði konum og körlum.
Þú færð dásemdar ilmi í Farmers Market, olíur sem hægt er að bera á sig og stinga í snyrtibudduna.
Risakrukkur, fullkomin gjöf fyrir ástríðukokkinn, fylltu hana af laukum, eða ávöxtum. Nú eða notaðu undir fallegu klútana þína… hvað sem er.
Þessi týpa
Krúttleg mátunaraðstaða
Sætir silkiklútar í nokkrum litum.
Yndislegar peysur í öllum stærðum og gerðum fyrir karla og konur. Endingargóðar og vandaðar.
Öðruvísi gjafapappír. Þú getur líka látið pakka inn hjá Farmers Market. Þær eru verulega góðar í því.
Skemmtilegir íslenskir merkimiðar á pakkana!!
Handgerð reykelsi sem fylla húsið af dulúð og ljúfri lykt.
Skart sem er sannarlega ekkert glingur.
Fallegar skeiðar, skornar út í bein.
Skál úr beini undir saltið
Hvað með ponsjó fyrir veturinn, þegar þú skreppur út á svalirnar heima, í útileguna eða í bústaðinn? Nú eða bara handa ömmu sætu sem er alltaf hálf kalt?
Buxur, vesti, brók og skór. Þú færð þetta allt hjá Farmers Market við Hólmaslóð.
Þessir skór eru æðislegir, hvort sem er á karla eða konur. Það þarf ekki að hafa fleiri orð um það.
Ég er af X-kynslóð, elska 70’s tónlist, finnst gott að fara í sund á kvöldin og á erfitt með arfa i görðum. Kýs fjölbreyti í lífið. Kann eina Eminem plötu utanað. Hef thing fyrir Marilyn Monroe, áhuga á feminisma og svona sitthvað fleira.
