Finnska söngkonan Krista sem söng lagið “Marry me” (ding dong) í Eurovision komst uppúr seinni riðlinum ásamt Eyþóri okkar.
Það sem vakti þó mesta athygli í atriði söngkonunnar er að hún kyssir eina bakraddasöngkonu sína í lok lagsins og margar af íhaldsamari þjóðum í Evrópu eru kolbrjálaðar yfir þessu öllu saman! Sjálf segir Krista að það sé 2013 og fólk ætti að slaka aðeins á. Hún er einnig að mótmæla því að Finnska þingið ákvað að samþykja ekki lög sem leyfa samkynhneigðum að giftast á síðasta ári.
Grísk og Tyrknesk blöð hafa farið hamförum í umfjöllun sinni um kossinn og segja að þetta sé bannað á sviði í Eurovision! Þeir segja einnig að svona pólitískur áróður sé bannaður samkvæmt reglum söngvakeppninnar og að svona lagað eigi ekki að leyfa á þessum vettvangi!
Krista segir að þetta sé alls ekki pólitískur áróður og bendir á að keppnin sé sýnd í beinni útsendingu og hvort hún kyssi stelpu á sviðinu í lokin komi engum við.
Flott stelpa sem vekur athygli á góðum málstað!
Rannveig er útskrifuð sem hársnyrtir en leggur nú stund á nám í fjölmiðlafræði. Henni finnst fátt skemmtilegta en að stunda margskonar líkamsrækt og er ekki hrædd við það að prófa nýjungar í þeim efnum, Rannveig er þessi týpíska meyja sem verður að hafa allt tip top, ofur pjöttuð að mati margra en lætur sér fátt um það finnast. Hún á tvo stráka og er harðgift.
Fylgdu Rannveigu á Instagram rannveigjonina og á Twitter @MissisRannveig
