Árið var 1970 tónlistin ABBA og kvenfólkið sleppti í fyrsta sinn fram af sér beislinu, reykti gras og svaf hjá meðan Annika og Per smelltu myndum með flasskubb.
Undirfataframleiðendurnir hjá The Lake & Stars réru á framandi mið fyrir myndatöku á haust og vetrarlínu sinni 2010/11.
Það var ákveðið að rifja upp gamla tíma og hugmyndirnar voru sóttar til klámyndaframleiðslu frændsystkina okkar í Svíþjóð á árunum 1970-75.
Fyrirsæturnar sem urðu fyrir valinu eru allar á aldursbilinu 20-40 en með þessu breiða aldursbili vildu þau hjá Lake and Stars sýna fram á að líkami konunnar getur verið fallegur og munúðarfullur á hvaða aldursbili sem er. Það skemmtilega við þetta er að ein fyrirsætan er íslensk. Heitir Elísabet Davíðsdóttir og hefur verið í bransanum í mörg ár. Hún er þessi fallega, dökkhærða með hálfsíðu lokkana.
Útkoman er skemmtilega truflandi, ögrandi og hálf kómísk á köflum -en hugmyndin er flott og undirfötin falleg!
ljósmyndir: Tom Hines
heimasíðan: http://www.thelakeandstars.com/
Díana Bjarnadóttir útlitsráðgjafi og stílisti hefur margra ára reynslu við að aðstoða fólk með fataval. Hún starfaði meðal annars á Ítalíu og í London þar sem hún var stílisti stjarnanna hjá Giorgio Armani og Gucci.
Hefur einnig verið búsett í svíþjóð, Hollandi og á Selfossi en býr nú í Reykjavik. Díana er einnig með menntun í förðunarfræði. Greinar og ljósmyndir Díönu hafa m.a. verið birtar í tímaritunum Veggfóður, Ský og Smáralindarblaðinu. Díana er fædd 1. maí og er því naut.
