Emma Watson, sem er best þekkt fyrir hlutverk sitt sem Hermione Granger í Harry Potter myndunum, var á meðal 2000 háskólanema sem útskrifuðust úr Brown háskólanum síðastliðna helgi.
Watson útskrifaðist með B.A. gráðu í enskum bókmenntum en leikkonan hóf nám við skólann árið 2009.
Hún hefur löngum sagt að hún hafi viljað leggja áherslu á að mennta sig.
Þetta hefur stundum vakið undrun því Emma og félagar hennar úr Potter myndununm efnuðust svo mikið að þau þurfa ekki að vinna frekar en þau vilja það sem eftir er ævinnar.
En nú er Emma útskrifuð með próf sem verður aldrei af henni tekið.
Til hamingju með það Emma!
Garðar Örn Hinriksson fæddist sama ár og Jim Morrison og Louis Armstrong hurfu yfir móðuna miklu og getið nú. Garðar er ókrýndur slúðurkóngur Íslands en í rúm fjögur ár slúðraði hann eins og engin væri morgundagurinn á Gossip. Garðar kann þó fleira fyrir sér en að slúðra en hann er útskrifaður leiðsögumaður frá Ferðamálaskóla Íslands og giftur tveggja barna faðir sem stefnir á barn númer þrjú. Hann rekur einnig vefinn enskiboltinn.is og hefur starfað sem knattspyrnudómari í efstu deildum Íslands í rúm 20 ár. Töff? Já.
