Leikkonan Emma Stone er í forsíðuviðtali við tímaritið Marie Claire í Ástralíu og þar talar hún um frægðina, framan og pressuna sem fylgi leikaralífinu.
Emma segir að hún hafi lengi haft áhyggjur af því að vera sett í einhvern ákveðinn kassa vegna pressu frá Hollywood, hún fór að hugsa mikið um “staðalímynd” glysborgarinnar og það hræddi hana mikið.
Núna segist hún hins vegar vera reyna að sleppa takinu og er farin að átta sig á því að hennar leið í Hollywood verður bara hennar eigin. Emma segist einnig ekki reyna að stjórna því hvernig fólk hugsar um hana eða talar um hana út á við. Það sé hvort sem er varla hægt.
Leikkonan flutti nýverið frá Los Angeles til New York. Emma segist sakna vina sinna í LA og veðrið þar heillar meira en veðrið í NY.
Emma segir jafnframt að lífstíll hennar sé allt öðruvísi í New York heldur en í LA. Fólk í New York vinnur í öllum störfum á meðan fólk í LA er aðallega að vinna við skemmtanabransann, “Þú veist nákvæmlega hverju þú átt von á þegar þú kemur til Los Angeles en New York er mun fjölbreyttari og frjórri fyrir listamann”.
Emma er búin að vera í bransanum í um tíu ár og hún segist ekki sjá eftir neinu því allt sem hún hefur gert hefur endurspeglað hvar hún er stödd hverju sinni í lífinu – Hún myndi ekki breyta neinu ef hún gæti.
Leikkonan segist jafnframt alltaf vera að læra eitthvað nýtt og reynir að tileinka sér eitthvað nýtt hverju sinni.
Rannveig er útskrifuð sem hársnyrtir en leggur nú stund á nám í fjölmiðlafræði. Henni finnst fátt skemmtilegta en að stunda margskonar líkamsrækt og er ekki hrædd við það að prófa nýjungar í þeim efnum, Rannveig er þessi týpíska meyja sem verður að hafa allt tip top, ofur pjöttuð að mati margra en lætur sér fátt um það finnast. Hún á tvo stráka og er harðgift.
Fylgdu Rannveigu á Instagram rannveigjonina og á Twitter @MissisRannveig
