Tískudrottningin Donatella Versace má muna fífil sinn fegurri en hún er ein þeirra ótalmörgu sem hafa farið heldur flatt á því að reyna að fegra sig.
Af einhverjum ástæðum er til sumt fólk sem kann ekki að hætta og heldur bara endalaust áfram að láta breyta sér og bæta í en Donatella hefur meðal annars farið í andlitslyftingu, fengið botox, brjóstastækkun, varastækkun, látið hækka í sér kinnbeinin og sjúga fitu héðan og þaðan úr líkamanum.
Í raun hefur hún farið í svo margar aðgerðir að hún er varla þekkjanleg frá þeirri konu sem hún var einu sinni en fyrir um 20 árum var hún svöl týpa með fallega glansandi sítt hár og stæltan, grannan líkama.
Donatella er jafnframt háð því að vera mjög brún á hörund en eins og pjattrófur vita er fátt sem fer jafn illa með húðina og tíð sólböð.
Líklegast er brjóstastækkunin hennar þó það sem helst hefði mátt betur fara í aðgerðargleðinni en þau virka einstaklega mikið úr samhengi á annars óhressum líkama dömunnar.
Það kemur sá tími í lífi hverrar konu að hún ætti heldur að sættast við að eldast með þokka og reisn heldur en að reyna ólm að halda í útlit (þá sérstaklega brjóst) 18 ára unglambs.
Mögulega fer hún þó einhverntíma sömu leið og Victoria Beckham sem lét fjarlægja púða úr sínum brjóstum og minnka þau en slíkar aðgerðir munu vera með þeim sem konur eru hvað þakklátastar fyrir. Lestu meira um það HÉR.
Fjölbreytileiki og góður fílíngur er mottó Pjattsins. Engar smellabeitur, bara endalaust af góðu efni, blogg, pistlar, uppskriftir, heilræði, heilsutips, menning, bækur, andlega hliðin og allskonar, allskonar enda höfum við verið í loftinu síðan 2009.
