Móðir Lindsay Lohan þarf ekki að fara í fangelsi eftir að hún var tekin fyrir ölvunar- og hraðakstur nálægt New York City.
Dómari dæmdi Dinu Lohan til að greiða 3000 dollara í sektir og aðrar greiðslur síðastliðinn þriðjudag. Hann dæmdi hana einnig í 100 klukkustunda samfélagsþjónustu og í áfengismeðferð. Einnig missti hún ökuskírteinið.
Lohan viðurkenndi í apríl á þessu ári að hafa keyrt drukkin og á allt of miklum hraða í Nassau sýslu í Long Island í september á síðasta ári. Hún sagðist hafa verið að flýja paparazza.
Lögreglan sagði hana hafa keyrt á 123 kílómetra hraða á klukkustund þar sem hámarkshraði var 90 kílómetra hraði á klukkustund. Einnig mældist helmingi meira magn af alkóhóli í blóði hennar en leyfilegt er.
Hún sá sem sagt paparazza, flúði og fékk sér í glas!!?
Garðar Örn Hinriksson fæddist sama ár og Jim Morrison og Louis Armstrong hurfu yfir móðuna miklu og getið nú. Garðar er ókrýndur slúðurkóngur Íslands en í rúm fjögur ár slúðraði hann eins og engin væri morgundagurinn á Gossip. Garðar kann þó fleira fyrir sér en að slúðra en hann er útskrifaður leiðsögumaður frá Ferðamálaskóla Íslands og giftur tveggja barna faðir sem stefnir á barn númer þrjú. Hann rekur einnig vefinn enskiboltinn.is og hefur starfað sem knattspyrnudómari í efstu deildum Íslands í rúm 20 ár. Töff? Já.
