Allt semþú þarft fyrir þetta fótabað ætti að vera til inni í skáp hjá þér. Einfalt, ódýrt og kósý.
Nú þegar sumarið kemur á fleygferð til okkar á klaknum og sandalarnir komnir úr vetrardvala er tilvalið að dekra aðeins við táslurnar. Það sem þú þarft fyrir þetta heimatilbúna fótabað sem fjarlægir dauða húð og sigg á augabragði er..
- 1/4 bolli blátt Listerine munnskol
- 1/4 bolli edik
- Vel volgt vatn (prófaðu fyrst einn bolla)
Láttu fæturnar liggja í fótabaðinu í 10-15 mínútur. Þegar þú ert búin/nn að því skaltu þerra fæturnar og öll dauð húð á náast að þurrkast af með handklæðinu.
Anna Brá Bjarnadóttir er fædd á því herrans ári 1986, sama ár og Gleðibankinn hóf raust sína í júró, sem er mögnuð tilviljun þar sem stúlkan er sjálf vel stæður Gleðibanki! Anna starfar sem skemmtanastjóri og dj á Loftinu og Lebowski Bar en er á sama tíma algjör græju gúrú og fíkill. Anna er útskrifuð af tæknibraut Kvikmyndaskóla Íslands og hefur m.a. starfað við fjölda auglýsinga og sjónvarpsþátta. Hún býr við Norðurmýrina með hundinum Tinna og kærastanum og kokkinum Jónasi.
