Nýleg rannsókn hefur leitt í ljós að stærsti ótti karlmanna sem tengist blindu stefnumóti er að konan sem þeir hitta sé ekki sú sem hún virðist vera á myndinni.

Satt best að segja, þá eru þeir hræddastir við að konan sem þeir munu hitta sé feit. Konur hinsvegar óttast mest að maðurinn sem þær hitta sé raðmorðingi (raunhæfur ótti – eða ekki).

Félagarnir sem halda úti deitsíðunni Simple Pickup ákváðu að gera smá félagsfræðilega tilraun til að komast að hinu sanna – eru karlmenn raunverulega svona hégómlegir?

Þeir fengu vinkonu sína, Söru, sem er í flottu formi og mjög sæt, til að fara á deitin í dulargervi sem feit kona með undirhöku og bingóhandleggi.

Þeim til aðstoðar var snjall förðunarfræðingur sem er öllu vön í að búa til svona gervi þannig að þau verði mjög raunveruleg. Í kjölfarið kom Sara á stefnumótum í gegnum Tinder appið en það er app sem fólk getur notað til að finna sér deit í grenndinni.

Með því að fletta í gegnum prófíla og gera læk getur fólk komist í nánari kynni og Sara notaði myndir af sér eins og hún raunverulega lítur út, meira að að segja eina þar sem hún er á bikiní.

Svo var ráðist í verkið.

Félagarnir komu fyrir falinni myndavél meðan Sara kom sér fyrir á útikaffihúsi en hún lænaði upp fimm stefnumótum fyrir hittinginn.

Fimm stefnumót og hver einasti var til í að yfirgefa svæðið þegar hann sá hvað Sara hafði “bætt á sig”.

Sara beið eftir því að mennirnir létu sjá sig en hún ákvað að taka þátt í þessari tilraun eftir að hafa lesið þessar merkilegu niðurstöður um ótta karlmanna við feitar konur á blindum stefnumótum.

Svo komu karlarnir að hitta hana og hver einn og einasti reyndi að forða sér. Sumir gerðu heiðarlega tilraun til að vera kurteisir en aðrir sögðu bara hreint út að þetta væru vörusvik.

Hver einn og einasti var með athugasemd við útlit hennar, alveg frá því að segja “þú ert nú aðeins öðruvísi en á myndinni” yfir í að spyrja hvort hún væri ólétt. Einn spurði hvað það væri langt síðan myndin af henni hefði verið tekin og hún sagði auðvitað eins og satt var – fyrir svona hálfu ári.

Hún bregst kaldhæðnilega við aðfinnslunum, segir t.d. við einn þeirra að hann sé sá fyrsti sem hún hitti á stefnumóti sem segi þetta og að kannski geti það bara verið út af varalitnum hennar.

Aðeins einn þeirra sem komu á stefnumót með Söru hélt það út í smá stund en allir hinir komu með afsakanir fyrir því að verða að fara, og afsakanirnar voru alveg frá því að þurfa á klósettið yfir í að bara… sorrý, ég gleymdi að segja þér að ég er giftur.

Sá sem hélt út að sitja með henni í smá stund var sá eini sem fékk að vita sannleikann og hann upplifði greinilega mikinn létti og greinilega smá sjokk þegar hún segir honum staðreyndir málsins um ótta karla við feitar konur. Hann sagði bara “sucks to be them”.

Kíktu á þetta.

[youtube]http://www.youtube.com/watch?v=2alnVIj1Jf8 [/youtube]

Pjatt

Fjölbreytileiki og góður fílíngur er mottó Pjattsins. Engar smellabeitur, bara endalaust af góðu efni, blogg, pistlar, uppskriftir, heilræði, heilsutips, menning, bækur, andlega hliðin og allskonar, allskonar enda höfum við verið í loftinu síðan 2009.

pjatt.is