David og Victoria Beckham hafa ekki farið hefðbundnar leiðir þegar kemur að því að skíra börnin sín en allir synir þeirra heita í höfuðið á stöðunum þar sem þeir voru getnir.
David finnst aftur á móti sjálfsagt að Kate og William skíri son sinn (ef það fæðist drengur) David þar sem að það sé gamalt og gott nafn, þetta sagði hann á blaðamannafundi á dögunum og hló síðan þar sem að hann var að sjálfsögðu að fara með gamanmál.
Fæðingu erfingjans er beðið með mikilli eftirvæntingu. David segir að Kate og William eigi eftir að vera frábærir foreldrar og börn hreinlega laðist að þeim en David og Victoria eru miklir vinir Kate og William og hafa verið það í nokkur ár.
Sjaldan eða aldrei hefur verið jafn mikil spenna í Bretlandi yfir fæðingu barns en það er allt gert til að markaðsetja kóngabarnið með vörum, mat, fatnaði og fleiru.
Kate á að eiga á allra næstu dögum og Pjattrófurnar bíða spenntar eftir komu erfingjans eins og Breska þjóðin.
Rannveig er útskrifuð sem hársnyrtir en leggur nú stund á nám í fjölmiðlafræði. Henni finnst fátt skemmtilegta en að stunda margskonar líkamsrækt og er ekki hrædd við það að prófa nýjungar í þeim efnum, Rannveig er þessi týpíska meyja sem verður að hafa allt tip top, ofur pjöttuð að mati margra en lætur sér fátt um það finnast. Hún á tvo stráka og er harðgift.
Fylgdu Rannveigu á Instagram rannveigjonina og á Twitter @MissisRannveig
