Krúttið hann David Beckham splæsti í tvo stykki Audi Q3s og gaf mömmu sinni og tengdó sem þakklætisvott fyrir hvað þær hafa verið duglegar að passa börn þeirra hjóna undanfarið.
Parið er eins og flestir vita ótrúlega upptekið fólk en Beckham hætti nýlega að starfa sem fótboltamaður og lagði takkaskónum á hilluna.
Mömmurnar, Jackie og Sandra elska víst bílana sína en þær hafa staðið við hlið parsins í gegnum árin og verið þeim algjör stoð í lífsins ólgusjó. Bestu trúnaðarvinir og helstu ráðgjafar.
Margir tala um að Beckham eigi eflaust eftir að gefa fleiri stórar gjafir nú þegar hann endar fótboltaferil sinn en kappinn sá þarf ekkert að hafa áhyggjur af peningum þar sem þau bæði hafa velt milljörðum saman í gegnum árin.
Sjálfur er hann mikið fyrir flotta og dýra bíla en í safninu hefur hann m.a. átt Audi S8, Porsche 911, Lamborghini Gallardo og Bentley Arnage.
Margir velta því fyrir sér hvað David muni gera eftir að hann yfirgefur boltann en kunnugir herma að hann, í samvinnu við Tom Cruise, muni kannski skoða að gera eitthvað skemmtilegt í kvikmyndum.
Hvíta tjaldið fer honum eflaust vel og sjálfur á hann að hafa mikinn áhuga á að leika í spennumyndum eins og Tom Cruise hefur gert með glæsibrag gegnum árin.
Fjölbreytileiki og góður fílíngur er mottó Pjattsins. Engar smellabeitur, bara endalaust af góðu efni, blogg, pistlar, uppskriftir, heilræði, heilsutips, menning, bækur, andlega hliðin og allskonar, allskonar enda höfum við verið í loftinu síðan 2009.
