Courteney Cox er sögð ætla að giftast Snow Patrol gítarleikaranum Johnny McDaid seinna á þessu ári.
Leikkonan, sem á 9 ára gamla dóttur með fyrrum eiginmanni sínum David Arquette, er talin hafa rætt um hugsanlega trúlofun við McDaid eftir minna en ár saman.
„Johnny elskar hana og dóttur hennar og vill giftast Courteney. Þau hafa rætt trúlofun og allir eru á því að það muni gerast,“ sagði heimildarmaður við Page Six.
„Hún hitti Johnny í gegnum Ed Sheeran, sem er vinur Jennifer Aniston. Allir vinir hennar elska Johnny sem er frábært vegna þess að Jennifer var ekki hrifin af David Arquette.“
Parið sást fyrst saman í desember í fyrra þegar það mætti saman í partý hjá Jennifer Aniston í Los Angeles.
Garðar Örn Hinriksson fæddist sama ár og Jim Morrison og Louis Armstrong hurfu yfir móðuna miklu og getið nú. Garðar er ókrýndur slúðurkóngur Íslands en í rúm fjögur ár slúðraði hann eins og engin væri morgundagurinn á Gossip. Garðar kann þó fleira fyrir sér en að slúðra en hann er útskrifaður leiðsögumaður frá Ferðamálaskóla Íslands og giftur tveggja barna faðir sem stefnir á barn númer þrjú. Hann rekur einnig vefinn enskiboltinn.is og hefur starfað sem knattspyrnudómari í efstu deildum Íslands í rúm 20 ár. Töff? Já.
