Vissir þú að það er hægt að lækka kostnað við brúðkaup um helming með því að kaupa inn með fyrirvara af AliExpress?

Fyrir ekki svo löngu skrifaði ég pistil um ágæti þess að versla á AliExpress og naut hann nokkurra vinsælda.

Málið er að þegar upp rennur það móment að virkilega þarf að fara að budget-a hlutina, þá getur orðið gaman að ráfa um ótal ganga AliExpress!

Til dæmis eins og þegar brúðkaupsundirbúningur er í hámarki. Í mörg horn er að líta og þúsundkallarnir, tíuþúsundkallarnir og jafnvel hundraðþúsundkallarnir æfa sundtökin hörðum höndum úr veskinu þínu og í vasa verslunareigenda.

Einusinni sá ég um undirbúning á brúðkaupi. Það var fyrir tíma AliExpress en þess í stað var blómatímabil Ebay í fullum gangi. Þar fengust hlutirnir ódýrari og það nýtti ég mér alveg þar til kýrnar komu heim! Jakkaföt á brúðgumann – silkið í brúðarkjólinn – glingur og skart sem þurfti til að útbúa það sem mig vantaði og svo frv. Ég var alvarlega farin að spá í að prenta Ebay logoið á servétturnar…

Málið er að þegar kemur að veisluundirbúningi og þá sérstaklega brúðkaupsundirbúningi, þá lítur Ebay út eins og óvinsæla og hæfileikalausa litla systir AliExpress, og það er hreinlega hægt að sleppa sér þarna inni!! Um leið og maður pikkar inn “Wedding” þá koma upp allskonar uppástungur um leitarorð sem gætu hentað þér, og þú getur hreinlega gleymt þér þarna inni, en á sama tíma varla snert fjárhagsáætlun veislunnar!

Ég ákvað að taka nokkur af leitarorðunum sem AliExpress stakk upp á og sýna ykkur hversu vel er hægt að spara og fá skemmtileg veisluföng á sama tíma. Ég mæli með því að smella á myndirnar og skoða þær stækkaðar þar sem verð kemur allsstaðar fram á myndunum (smelltu til að stækka þær).

1. Brúðarkjóll

Svo við byrjum bara á því mikilvægasta! Brúðarkjólar geta verið með stærstu kostnaðarliðum á fjárhagsáætluninni, jafnvel þó þeir séu teknir í leigu. Leiga á brúðarkjólum er yfirleitt á milli 50 og 100 þúsund krónur og getur það því alveg borgað sig að byrja á að panta kjól af Ali fyrir brotabrot af þeirri upphæð og athuga svo hvort hægt sé að fá saumakonu til að laga hann til ef hann passar ekki almennilega:

Opinn í bakið og ótrúlega gordjöss! 186 dollarar!

Þessi er frekar bohemian og krúttlega franskur eitthvað. 151 dollari fyrir þennann dásamlega fallega kjól!

Konunglegt yfirbragð- stílhreinn og ofsalega fallegur. 110 dollarar!

Þessi er einstaklega smekklegur og rómantískur fyrir rúma 147 dollara!

Ekta prinsessukjóll!!! Þar sem ég er forfallin blingprinsessa og finnst semelíusteinar og aðrir eðalsteinar einfaldlega gera lífið betra, þá myndi ég alveg vera til í að gifta mig í þessum kjól! og rúmir 142 dollarar án sendingarkostnaðar eru gjöf en ekki gjald!

2. Skór við kjólinn

Hinir fullkomnu skór við brúðarkjólinn geta líka auðveldlega kostað skildinginn, þá er nú gott að bregða sér aðeins inn á Ali og hafa úrvalið að velja úr:

Fullkomnir við prinsessukjólinn!

Látlausir en samt ótrúlega smart!

Bling út í gegn!

Krúttlegir og perluskreyttir

Ofsalega fallegir!

3. Boðskortin

Margir búa reyndar til sín eigin boðskort, en bæði er hægt að finna falleg boðskort inni á Ali og skutlast þangað inn til að fá hugmyndir sem hægt er að nýta í eigin föndri. Boðskortin á Ali eru kannski ekki neitt ofsalega ódýr sum hver en hugmyndirnar bæði góðar og fallegar:

Skemmtileg útfærsla 🙂 50 stk á rúma 63 dollara!

Einföld en falleg- 30 stk á 39 dollara!

Svolítill sveitabrúðkaupsfílingur í gangi. 50 stk á 56 dollara.

Þetta er sérstaklega skemmtilegt, fólk verður að púsla kortinu saman til að sjá hvað það er! Þetta er fyrir það fólk sem er til í að eyða peningum í boðskortin sín þar sem þetta er ekki ódýrt! Hugmyndin er stórskemmtileg en dýr- 30 stk á 299 dollara!

Stílhreint og fallegt, 50 stk á tæpa 70 dollara!

4. Kökutoppar

Eftir að sykurmassi fór að ryðja sér til rúms á Íslandi hafa kökurnar breyst úr venjulegum kökum í listaverk og þá er gaman að fá skemmtilegann kökutopp til að kakan fái að njóta sín enn betur. Úrvalið af kökutoppum er mjög mikið og skemmtilegt inni á AliExpress:

Nafn og dagssetning fyrir 8,99 dollara!

Rómantíska parið á rúma 10 dollara

Ástfangna liðið á tæpa 13$

Þessi vongóðu á tæpa 14 dollara

Þessi sem færi örugglega á kökutoppinn hjá mér- Mr & Mrs Smith á tæpa 13 dollara

5. Hringapúði

Hringapúðar eru eitt af þessu sem margir eiga það til að gleyma en svo skemmtilegt og auðvelt að krútta upp atöfnina með því að annaðhvort láta barn hjónanna ganga inn með púðann eða eitthvað álíka yndislegt. Þetta vita vinir okkar á Ali og eru þessvegna með gott úrval fyrir verðandi brúðhjón:

Hvítur, hefðbundinn og fallegur!

Mjög Shabby Chic stíll yfir þessum

Ef þið viljið vera öðruvísi, og koma með hringina í persónugerðri viðaröskju

Þessi væri alveg tilvalinn í sveitabrúðkaupið!

Krúttlegur

6. Myndatökuprops

Myndirnar skipta rosalega miklu máli og mikil hefð hefur skapast fyrir að taka myndir bæði af brúðhjónum og svo veislugestum. Þá er gaman að vera með skemmtilegt props sem hægt er að grípa í:

Þessi skilti myndu gera hvaða myndatöku sem er skemmtilegri, svo má nýta þetta áfram sem skreytingar í veislunni- tildæmis aftan á stóla brúðhjónanna!

Allskonar skemmtilegt sem veislugestir geta valið sér að vera með ef það er myndataka tildæmis fyrir gestabókina!

Það væri skemmtilegt að láta þetta liggja á borðum gestanna sem væri svo hægt að taka myndir af og senda inn á brúðkaupshasstaggið sem er orðið svo vinsælt að vera með!

Ennþá meira skemmtilegt fyrir veislugesti að njóta!

Þetta væri mjög flott í brúðarmyndatökuna!

7. Skreytingar

Skreytingar fyrir salinn eru oft ágætis biti fyrir fjárhagsáætlunina. Blóm er eitthvað sem ég myndi kannski ekki kaupa á AliExpress en margt annað er hægt að fá á spottprís til skreytinga í salinn á Ali og þá oft eitthvað sem ekki endilega er hægt að nálgast svo auðveldlega hérlendis:

Fallegir blúndu-fánaborðar, 3 stk saman á tæpa 15 dollara!

Strigaborði sem kæmi fallega út sem löber á borði í sveitabrúðkaupi!

Blinglöber fyrir prinsessubrúðkaupið!

Perluborði fyrir rómantíska þemað!

Blöðrur með perluáferð-100 stk á tæpa 7 dollara!

Eins og ég hef sagt áður, þá fæst ALLT inni á AliExpress! Það skiptir ekki máli hvernig veislu þú ert að fara að halda, hvaða þema þú ætlar að vera með og hversu brjálæðislega þú ætlar að taka skreytingarnar…

AliExpress er með það sem þig vantar! Það eina sem þú þarft að gera er að vera skipulagður/skipulögð, og panta snemma og þá ert þú að fara að halda veislu sem verður talað um næstu árin!

Krummi

Hrafnhildur, eða Krummi, er mamma, förðunarfræðingur, leikkona, kærasta, systir, dóttir, handverkskona og listakona svo fátt eitt sé nefnt. Ung flutti hún frá Sauðárkróki til Reykjavíkur þar sem hún lærði förðunarfræði en seinna flutti hún til Alabama, USA þar sem hún lærði leiklist. Eftir nokkur ár í Bandaríkjunum lá leið hennar aftur til Sauðárkróks og hún er því rödd landsbyggðarinnar á meðan pjattrófa. Hrafnhildur er fædd 21. febrúar árið 1980 og er fiskur.