Bruce Jenner dressaði sig upp í konuföt þegar hann var unglingur en Kardashian pabbinn mikli er á leið í kynleiðréttingu og hefur unnið að heimildarmynd um málið.
Heimildarmaður RadarOnline sagði frá því að Bruce hafi líkt og önnur börn alltaf haft gaman af því klæða sig upp en hann var víst sérlega duglegur við að fara í blússur og undirföt af mömmu sinni. Kannski einum of.
„Þegar hann var unglingur var hann farinn að taka föt úr skáp mömmu sinnar og klæða sig upp. Til dæmis fór hann í peysur af henni eða blússur og þetta gerði hann alltaf í einrúmi.”
„Hann var sérstaklega hrifin af silki og satín, þá aðallega í undirfötum en hann elskaði tilfinninguna að láta þetta snerta hörund sitt.”
Bruce skammaðist sín árum saman að sögn heimildarmannsins og það var þessi skömm sem keyrði hann áfram í íþróttum. Hann hélt að árangur í íþróttum myndi “laga” hann einhvernveginn.
„Nú gerir hann sér grein fyrir því að það er ekkert óeðlilegt við að langa til að vera í konufötum. Bruce á eftir að leika stórt hlutverk í framtíðinni sem talsmaður transfólks. Hann á sérstaklega eftir að hjálpa unglingum og ungu fólki sem er í vandræðum með þetta.”
Bruce á tvær dætur með Kris Jenner en þau skildu á síðasta ári. Dæturnar eru 17 og 19 ára en pabbi þeirra er víst spenntur að fara að lifa lífi sínu sem ‘fáguð kona’ eins og hann orðar það sjálfur. Hann bindur vonir við að dæturnar muni hjálpa honum í gegnum þetta ferli.
„Hann verður ekki kona í flaksandi blómakjólum. Meira svona smekkleg týpa í buxnadragt. Dætur hans munu sjá til þess,” sagði heimildarmaðurinn opni.
Í Maí ætlar hann í opinskátt viðtal og ræða leiðréttinguna, en af Bruce er líka það að frétta að hann lenti í slæmu bílslysi í síðustu viku þar sem ein manneskja lést og sjö slösuðust alvarlega. Bruce slapp þó ómeiddur frá slysinu.
Fjölbreytileiki og góður fílíngur er mottó Pjattsins. Engar smellabeitur, bara endalaust af góðu efni, blogg, pistlar, uppskriftir, heilræði, heilsutips, menning, bækur, andlega hliðin og allskonar, allskonar enda höfum við verið í loftinu síðan 2009.
