Hún var ansi lukkuleg þýska stelpan á sushistaðnum Kuchi í Berlín eftir að Brad Pitt gaf henni 85.ooo þrónur í þjórfé eftir að hafa eytt um 120 þúsund kalli í sushi.
Fjölskyldan var samankomin á veitingastaðnum til að halda upp á 38 ára afmæli Angelinu á þriðjudag.
Þjónustustúlkan, Undine Orth 24 ára, sagði fjölskylduna hafa verið ofursvala. Þau hafi verið mjög kurteis og farið úr skónum þegar þau komu inn líkt og aðrir gestir.
Brad pantaði víst allt sem var í boði á matseðlinum, bara litlar útgáfur, en Maddox, 11, Pax, níu ára, Zahara, átta, Shiloh, sex ára og tvíburarnir Knox og Vivienne sem eru fjögurra ára fengu sushi, salat, yakitori kjúkling og súpu svo eitthvað sé nefnt en reikningurinn hljóðaði upp á rúmar 120.000 krónur. Að máltíð lokinni dró Brad upp seðlabúnt, rétti Úndínu og sagði matinn hafa verið mjög góðan. Á meðan skulfu hné afgreiðslustelpunnar sem síðan deildi þjórfénu jafnt á milli allra 15 starfsmanna staðarins.
Parið fagra var mætt til Berlínar með sitt fríða föruneyti til að vera við frumsýningu myndarinnar ‘World War Z’ en auðvitað var tekinn frá tími til að halda upp á afmæli hinnar íðilfögru Angelinu.
Hann gaf henni vitaskuld líka afmælisgjöf en hvorugt vildi segja frá því hver hún var. Bara að hún væri “dónaleg”.
“Oh, þetta er mjög persónulegt,” sagði hann. “Hún fær alltaf þrjár gjafir, eina af því hún er kona, önnur af því hún er mamma og svo kemur alltaf ein dónaleg gjöf. Alltaf.”
Fjölbreytileiki og góður fílíngur er mottó Pjattsins. Engar smellabeitur, bara endalaust af góðu efni, blogg, pistlar, uppskriftir, heilræði, heilsutips, menning, bækur, andlega hliðin og allskonar, allskonar enda höfum við verið í loftinu síðan 2009.
