Reykjavik
08 Dec, Saturday
3° C
TOP

Bíó Paradís: Skíthræddir túristar í franskri hrollvekju eftir undrabarn

Þriðjudaginn 29. nóvember verður áframhald af hrollvekjuhátíðinni Frostbiter í Bíó Paradís – Frostbiter Aftershock. Sýnd verður franska hrollvekjan Therapy.

Söguþráður:

Ungir lögregluþjónar uppgötva falinn myndbandsbúnað í yfirgefnu húsi í vaktferð. Í fyrstu virðist ekkert athugavert við myndböndin sem sýna fimm túrista í útilegu. Fljótlega sjá þau þó að ekki er allt með felldu.
Hræddir túristarnir flýja í yfirgefið hús þar sem að þau uppgötva sér til skelfingar að þau eru ekki ein og að þau hafa mögulega stigið í sína eigin gröf.

Therapy er eftir unga leikstjórann Nathan Ambrosioni en þetta er önnur mynd Nathans í fullri lengd. Hann gerði fyrstu mynd sína Hostile aðeins 13 ára gamall og sú mynd var sýnd á mörgum hrollvekjuhátíðum eins og t.d Frightfest, Fantasia Montreal, NYC horror film festival og fleiri góðum hátíðum.

Hann var aðeins 16 ára þegar hann gerði Therapy og er svokallað undrabarn í hrollvekjugerð. Therapy hefur nú þegar verið sýnd á fjölda hátíða eins og t.d Brooklyn Horror Film Festival, Screamfest og Stiges Film Festival.

Sýningin hefst klukkan 20:00 og er miðasala hafin. Frítt er fyrir þá sem eiga passa á Frostbiter Icelandic Horror Film Festival.

 

30+ stelpur & stelpustrákar, kyntröll, konur og kettlingar. Fjölbreytileiki, fegurð, gleði og góður fílíngur. Settu okkur í bookmark, eltu okkur á ÖLLUM samfélagsmiðlunum og líf þitt verður strax skemmtilegra! - Ef ekki, þá færðu endurgreitt! ATH: Snappið okkar heitir Pjattsnapp ATH: Sendu okkur póst á pjatt at pjatt punktur is