Benedikt Hraðfréttamaður (25): "Birgitta Haukdal er enn á föstu"

Föstudagskvöld eftir fréttir á RÚV hafa vissulega verið óhefðbundin eftir að Hraðfréttatíminn hóf göngu sína í sjónvarpi.

Benedikt Valsson er annar hlutinn af þessu sjarmatrölladúói sem flytja okkur fyndnar fréttir með hraði og var svo huggulegur að sitja fyrir svörum hjá mér.

Benedikt, eða Benni eins og hann er kallaður, er 25 ára vesturbæingur í húð og hár. Benni er Hraðfréttamaður á veturnar en flugþjónn hjá Icelandair á sumrin. Þar að auki er hann í fullri vinnu við að vera skemmtilegur, allt árið um kring.

Benni stefnir á að líkjast Agli Ólafssyni í ellinni, vonast til að spila tölvuleiki til æviloka en ekki biðja hann um að fylgjast með baðkarinu-það fer allt á flot!

-Áttu auðvelt með að sofna á kvöldin eða hugsarðu of mikið?

Það er dagamunur á mér hvað þetta varðar. Ég á erfiðara með það ef við erum í stressi með þáttinn okkar, þá er hausinn á flugi. Nú er það líkaminn sem er á flugi og ég verð því nógu þreyttur.

Tók andaglas-tímabil sem unglingur, þar var mikill atgangur alltaf.

-Hvað er næsta tilhlökkunarefnið í lífi þínu?

Að hefja störf á RÚV nýjan leik og þróa barnið mitt Hraðfréttir áfram. Auk þess að hitta samstarfsfólkið á ný, sem er í heimsklassa.

-Hefurðu séð draug?
Nei en ég hef heyrt í ansi mörgum. Tók andaglas-tímabil sem unglingur, þar var mikill atgangur alltaf.

-Þekkirðu óvenjulega marga einstaklinga í sama stjörnumerkinu og hvaða merki er það?
Mikið af nautum í kringum mig, ég er líka naut. Þetta þýðir ekkert annað, en að ég reyni að sleppa því að klæðast rauðu.

-Flottasta fyrirmyndin?
Iker Casillas (Markvörður og fyrirliði spænska landsliðsins).

-Uppáhalds tímasóunin?
Spila tölvuleiki. Það er heilalaust en mjög skemmtilegt þegar maður hittir á góðan leik. Vona svo innilega að ég vaxi ekki uppúr tölvuleikjum.

-Hvaða 5 hluti tækirðu með í geimfarið?

Símann, bland í poka, Helga Seljan, kíki og slím til að leika með í þyngdarleysinu.

-Hvernig bíl langar þig í?
Á alveg einstaklega góðan WV Polo, hann dugar mér.

-Nefndu 5 uppáhalds bíómyndirnar þínar

Djöflaeyjan
The Mask
Með allt á hreinu
Dalalíf
Allar Batmanmyndirnar með tölu

-Hefurðu verið ástfangin af poppstjörnu eða leikara?

Nei, Birgitta Haukdal er enn á föstu.

-Hvaða mistök gera pör helst í samböndunum sínum?
Þau losa ekki hægðir nógu mikið fyrir framan hvort annað. Það er aðalega pissað.

-Hvað er skemmtilegast við það sem þú ert að gera núna?
Ég er flugþjónn hjá Icelandair, stoppin í Bandaríkjunum eru að gera mér gott. Svo er sumarið góður tími, vináttan verður svo sterk.

-En erfiðast?
Að vakna í morgunflug kl.05:00.

-Hvaða kaffihúsi eða veitingastað í borginni myndirðu mæla með?

Kaldi Bar er í uppáhaldi þessa dagana, besti bjór á Íslandi og þægileg stemmning, þææægileg sagði ég.

-Hvaða starf myndirðu velja ef þú værir ekki að gera það sem þú ert að gera núna?
Væri alveg til í að vera atvinnumaður í fótbolta. Held að það sé svona oftast frekar nice.

-Manstu eftir vandræðalegu atviki sem henti þig á gelgjuskeiðinu?

Gleymi því seint þegar ég ætlaði að fara í mitt árlega bað á Þorláksmessu. Til að gera langa sögu stutta gleymdi ég baðinu og það flæddi um alla íbúð. Ég kallaði út vini mína og hófust hreinsunarstörf. Mamma varð ekkert reið og bauð okkur á Subway af því við vorum svo duglegir.

-Hvernig langar þig að verða í ellinni?
Eins og Egill Ólafsson með staf.

-Hvað ertu að fara að gera á eftir?
Sofa ofan á rúminu mínu með sæng og kodda. Smá opinn glugga og vatnsglas á borðinu.

Anna Margrét

Anna Margrét er fædd í Reykjavík árið 1987, en hefur alið manninn í Svíþjóð, Suður Ameríku og víðar.
Anna er krabbi, og þykja þeir hinir kátustu. Tíska, förðun, jafnrétti, skrif og ferðalög um Afríku eru nokkur af hennar áhugamálum.