Barnsfaðir Mel B og fyrrum eiginmaður hennar segir að rifrildi þeirra hafi orðið til þess að hann íhugaði að fremja sjálfsmorð.
Kryddpían fyrrverandi og Jimmy Gulzar skildu árið 2000 eftir aðeins tveggja ára hjónaband og hann viðurkennir að öll þau rifrildi sem þau lentu í vegna forræði yfir dóttur þeirra hafi verið svo slæm að hann íhugaði að taka eigið líf.
„Það kom oft fyrir sem ég hugsaði með mér:
„Nei, núna er ég búinn að fá nóg. Ég gefst upp. Ég ætla að taka inn slatta af pillum og kveðja þetta líf vegna þess að þetta er of erfitt,“ sagði hann við The Sun.
Jimmy er þó sem betur fer enn á meðal vor en Mel fékk forræðið yfir dóttur þeirra sem er orðin 15 ára gömul.
Í kjölfar skilnaðar þeirra flutti Jimmy til Bandaríkjanna til að vera nær dóttur þeirra þar sem Mel ákvað að flytja vestur yfir haf en hún starfar nú meðal annars í Las Vegas þar sem hún er með mikla kroppasýningu.
Garðar Örn Hinriksson fæddist sama ár og Jim Morrison og Louis Armstrong hurfu yfir móðuna miklu og getið nú. Garðar er ókrýndur slúðurkóngur Íslands en í rúm fjögur ár slúðraði hann eins og engin væri morgundagurinn á Gossip. Garðar kann þó fleira fyrir sér en að slúðra en hann er útskrifaður leiðsögumaður frá Ferðamálaskóla Íslands og giftur tveggja barna faðir sem stefnir á barn númer þrjú. Hann rekur einnig vefinn enskiboltinn.is og hefur starfað sem knattspyrnudómari í efstu deildum Íslands í rúm 20 ár. Töff? Já.
