Forlagið hefur nú gefið út bókina um Múmínsnáðann og tunglskinsævintýrið en bókin er núna í 5. sæti á metsölulista barnabóka á Íslandi.
Þegar ég var sjálf barn horfði ég oftar en ekki á Múmínálfana og fylgdist með ævintýrum þeirra og því er gaman að lesa hana fyrir drengina mína á kvöldin.
Í þessari fallegu sögu ákveður múmínsnáðinn einn daginn að fjölskyldan skuli sigla til Einmanaeyjar eftir margra daga rigningu. Mikill undirbúningur fer í ferðina og fyrr en varir er komið myrkur en þá ákveður fjölskyldan að fara í tunglskinsævintýri í staðinn og á meðan þau sigla til eyjarinnar gerist sitthvað óvænt og fallegt.
Það er gott og gaman fyrir alla að gleyma sér í Múmíndalnum með þessum skemmtilegu verum og bókin er tilvalin gjöf fyrir unga múmín unnendur.
Rannveig er útskrifuð sem hársnyrtir en leggur nú stund á nám í fjölmiðlafræði. Henni finnst fátt skemmtilegta en að stunda margskonar líkamsrækt og er ekki hrædd við það að prófa nýjungar í þeim efnum, Rannveig er þessi týpíska meyja sem verður að hafa allt tip top, ofur pjöttuð að mati margra en lætur sér fátt um það finnast. Hún á tvo stráka og er harðgift.
Fylgdu Rannveigu á Instagram rannveigjonina og á Twitter @MissisRannveig
