Annie Lennox er búin að fá sig fullsadda af fáklæddum söngkonum sem virðast gera allt til þess að fanga athygli og öðlast frægð of frama.
Annie skrifaði á Facebook síðuna sína að henni finnist mjög óþægilegt og truflandi hversu mikil áhersla er lögð á kynþokkann í útliti og dönsum söngkvenna og í myndböndum þeirra. Síðan bætti hún því við að hún ætlaði ekki að nefna nein nöfn því allir vissu um hverjar hún væri að tala.
Annie finnst tónlistariðnaðurinn vera orðinn “fínt” klám þar sem söngkonur eru stíliseraðar eins og klámstjörnur án þess að ganga yfir strikið. Það sé hreint ótrúlegt að plötufyrirtæki séu að dólgast með svona ungar stúlkur bara til þess að græða peninga.
Lennox sagði einnig að hún væri ekkert á móti því að fólk tjáði sig á sinn eigin hátt en hversu langt þarf samt að ganga bara til þess að græða? Hún sagði einnig að svo framarlega sem það sé rass til sýnis og sem hristist til og frá þá sé hægt að græða peninga!
Annie nefndi engin nöfn á meðan hún var að tjá sig um tónlistariðnaðinn en flestir eru á sama máli að hún hafi verið að tala um Rihönnu og Miley Cyrus sem eru heldur betur ekki feimnar við að koma naktar fram.
Tónlistariðnaðurinn hefur lengi verið “klámfenginn” en það virðist samt vera að því lengra sem þú gengur því betra. Er þetta þróun í rétta átt eða þurfum við að fara að stoppa og byrja upp á nýtt?
HÉR er Miley á Facebook og HÉR er Rihanna…
Rannveig er útskrifuð sem hársnyrtir en leggur nú stund á nám í fjölmiðlafræði. Henni finnst fátt skemmtilegta en að stunda margskonar líkamsrækt og er ekki hrædd við það að prófa nýjungar í þeim efnum, Rannveig er þessi týpíska meyja sem verður að hafa allt tip top, ofur pjöttuð að mati margra en lætur sér fátt um það finnast. Hún á tvo stráka og er harðgift.
Fylgdu Rannveigu á Instagram rannveigjonina og á Twitter @MissisRannveig
