Ágústa Eva Erlendsdóttir leikkona stóð upp og gekk út í beinni útsendingu meðan Reykjavíkurdætur höfðu sig í frammi hjá Gísla Marteini í gær.
Þær voru lokaatriðið í þættinum Vikan með Gísla Marteini. Tróðu upp með lag sem þær kalla Ógeðsleag nett, sveifluðu gervilimum, beruðu sig, sungu mjög dónalegan texta og voru ákaflega dólgslegar.
Á Twitter tístir fólk í báðar áttir undir myllumerkinu #vikan. Það stendur með Ágústu sem stóð með sjálfri sér og stóð upp þar sem henni mislíkaði mjög uppákoman. Aðrir tala um að hún hefði nú sjálf verið með læti í gervi Silvíu Nætur og ætti því að skilja svona ‘performans‘. Semsagt, sitt sýnist hverjum.
![Screen Shot 2016-02-27 at 13.33.55](https://i0.wp.com/pjatt.is/wp-content/uploads/2016/02/Screen-Shot-2016-02-27-at-13.33.55.png?resize=568%2C316)
En hvað finnst lesendum Pjatt.is? Hefðir þú staðið upp ef hópur af fólki hefði mætt með grófan texta og gervilimi og sveiflað sér utan í þig í beinni útsendingu eða hefðir þú tekið þátt í þessum gerningi í nafni feminisma og dansað með? Á meðfylgjandi myndbandi má horfa á atriðið og ljóst er að leikkonunni knáu er ekki skemmt.
[poll id=”77″]
![](https://i0.wp.com/pjatt.is/wp-content/uploads/2022/06/pjatt.png?resize=100%2C100&ssl=1)
Fjölbreytileiki og góður fílíngur er mottó Pjattsins. Engar smellabeitur, bara endalaust af góðu efni, blogg, pistlar, uppskriftir, heilræði, heilsutips, menning, bækur, andlega hliðin og allskonar, allskonar enda höfum við verið í loftinu síðan 2009.