Þrátt fyrir ungan aldur er Agnes Björt söngkonan í einni vinsælustu hljómsveit á Íslandi í dag, Sykur. Agnes er þekkt fyrir fallega fjólubláa hárið sitt, kröftuga rödd og öfluga sviðsframkomu.
HVER ER AGNES?
Áttu auðvelt með að sofna á kvöldin eða hugsarðu of mikið? Ég á það til að hugsa mikið og á ekki auðvelt með að sofna á kvöldin. Ég horfi oftast á eitthvað til að sofna útfrá.
Hefurðu séð draug, álf eða geimveru? Leoncie er þarna einhversstaðar á milli. 
Þekkirðu óvenjulega marga einstaklinga í sama stjörnumerkinu og hvaða merki er það? Ég þekki rosalega marga sem eiga afmæli í september, hvaða stjörnumerki er það? ….meyja og vog.
Í hvaða stjörnumerki ert þú? Krabbanum.
Áttu uppáhalds hönnuð? Nei
Flottasta fyrirmyndin? Elva Ósk Ólafsdóttir (móðir Agnesar, leikkona) og Þórunn Björnsdóttir.
Uppáhals tímasóunin? Glamra á gítar og hanga á Facebook.
Hvað er næsta tilhlökkunarefnið í lífi þínu? Sykur er að spila á By:larm sem er klikkað festival í Osló eftir 3 vikur. Ég er ótrúlega spennt!
Hvaða 5 hluti tækirðu með út í geim?
- linsurnar mínar
- geimfarabúning
- myndavél
- hreinar nærbuxur
- strák
Hvernig bíl langar þig í ? Mig langar í vespu.
Hvaða mistök gera pör helst í samböndunum sínum? Sýna hvort öðru ekki næga virðingu.
Hvað er skemmtilegast við það sem þú ert að gera núna? Spila! Besta útrásin.
En erfiðast? Spila, það getur verið erfitt að halda réttu orkunni og salnum með sér í 45mínútur.
Hvaða kaffihúsi/veitingastað viltu mæla með? Ég fer oft á Hemma og Valda, þar finnst mér gaman að kúra og drekka kaffi með vinum mínum og ókunnugu fólki.
Hvaða starf myndirðu velja þér ef þú værir ekki að gera það sem þú ert að gera núna? Ef ég væri ekki tónlistarmaður myndi ég allra líklegast vera í einhverskonar hönnun eða myndlist.
Hvað ertu að fara að gera á eftir? Ég er að fara í innflutningspartí hjá nokkrum hressum peyjum.
_______________________________________________________
Að lokum: Heilræði til okkar hinna?
Kall hét karl og kúkaði sykri
því lenti hann oft í kaloríu slag.
Fólk undraðist á hans kúka-fnykri
en hann gat bara ekki gert sér upp einn nammidag.Hann átti heima á Þingvöllum og átti þar sjoppu
en enginn vildi koma þangað inn,
á sunnudögum sá maður þó gægja inn loppu
kötturinn sem elskaði kúkafnykinn.Kisi og karl voru ágætis vinir,
líkir í brag þó fjarskyldir mjög.
Á sunnudögum gerðu þeir annað en hinir,
átu nammi og sungu Sálar lög.EInn daginn greindist Karl með æxli í eyra
og feita illa króníska gigt.
Hann vildi ekki sálarlögin lengur heyra
heldur sniffa bensín og stunda þannig fikt.Dagana marga var djúsað og drukkið
og fannst þeim gaman að stunda þá iðju,
sigu þeir dýpra og dýpra í sukkið
og ákváðu að stofna kókaín smiðju.Kisi og Karl drukku sýruþynnt svissmiss,
hættu að borða nammi og mat.
Þetta er það sem þeir kölluðu business
sjoppan fékk nýnefni: “Dópsalan Frat”.Reykvíkingar þyrptust til Þingvalla í hópum
í von um ódýran kókaín skammt,
Almannagjá glumdi af köllum og hrópum
“Þetta verður eitthvað helvíti rammt!”Og einmitt í þessum töluðu orðum
löggan mætti með geislasverð,
Þingvellir girtir af með gulleitum borðum
og túristar fúlir eftir fýluferð.Kisi og Karl vildu hjartað sitt hreinna,
hættu að sniffa bensín og stunda svona fikt.
Þeir föttuðu líka ekki mikið seinna
að þeim líkaði mun betur við kúkalykt.
Stella Björt útskrifaðist úr Borgó 2010 og starfar nú sem verslunarstjóri í Topshop í Smáralind. Þess á milli tekur hún að sér stílistaverkefni og hefur tekið námskeið í stíliseringu í London College of Fashion en stefnir á fullt nám þar í framtíðinni. Stella er tvíburi.
