TOP

UPPSKRIFT: Einfalt salat með avocado, tómat og kóríander

tomataavocadosalatFyrir mér dugar að heyra þessi þrjú orð: Avocado, tómatur og rauðlaukur… þá er búið að selja mér uppskriftina.

Hér kemur hún, beint af blogginu hennar Natöshu. Salat með tómat, avocado, kóríander, rauðlauk og agúrkum.

Hreint frábært með hvaða rétti sem er og þá sérstaklega með t.d. grillmat eða góðum fiski.

Það þarf vart að telja upp hvernig þetta spriklar alveg af vítamínum en sem dæmi má nefna að tómatar innihalda lýkópen sem hefur góð áhrif á blöðruhálskirtilinn og avocado er svokölluð ofurfæða, stútfullt af næringarefnum sem líkaminn elskar. T.d. d-vítamíni og fjölómettuðum fitusýrum.

Hvað um það… hér kemur þetta ljúffenga salat.

INNIHALD

5 stk góða, þroskaða tómata
1 agúrku<
Hálfan rauðlauk
2 avocado sem þú skerð í teninga
2 msk extra virgin ólífu olíu
Safa úr einni sítrónu
1/4 bolla af kóríander (saxað)
1 matskeið sjávarsalt eða borðsalt
ögn af svörtum pipar

AÐFERÐ

Aðgerðin er ekki flókin. Þú skerð grænmetið niður í hlutföllin sem þú sérð á myndinni og blandar því svo varlega saman við ólífuolíuna, saltar og piprar og berð fram í einhverju fallegu íláti.

Bon appetit!

Margrét byrjaði að blogga árið 2002 og hefur verið óstöðvandi á þessu sviði allar götur síðan. Hún hefur að mestu starfað við fjölmiðla frá tvítugsaldri og þá einna helst við ritstjórn og blaðamennsku, en einnig útvarp og sjónvarp. Hún flutti til London sautján ára og komst til manns í Kaupmannahöfn þar sem hún lærði m.a. margmiðlun og myndlist. Margrét býr ásamt einkadóttur sinni á Seltjarnarnesi, elskar ferðalög, veitingahús, veislur og vini sína enda krabbi, með tungl í ljóni og rísandi vog.