Við teljum niður til áramóta út desember með stuttum hugleiðingum sem bæta lífið og tilveruna. Út frá þessum hugleiðingum getur þú til dæmis sett þér markmið eða nýjar áherslur fyrir árið 2017.

Byrjaðu að fylgjast með streitunni hjá þér og taka stuttar hvíldir eða pásur.

Hægðu á þér. Andaðu. Gefðu þér leyfi til að taka örstuttar pásur, safna kröftum og halda svo áfram siglingunni með skýran huga og tilgang.

Þegar þú ert alveg á fullu skaltu staldra örstutt við og anda inn á milli.

Það er með ólíkindum hvað stuttar pásur geta hjálpað þér að ná skýrari sýn, frískað upp á kollinn og aukið afkastagetu þína.

Stuttar pásur munu hjálpa þér að endurheimta smá orku og um leið meturðu stöðuna, hvað þú varst að gera, hvert það leiðir þig og hvort það er í samræmi við markmiðin þín.

Byrjaðu að gæta að streituvöldum hjá þér. Taktu stuttar pásur.