Drusla

Ef kona sefur hjá mörgum körlum er hún kölluð drusla en ef karl sefur hjá mörgum konum er hann gjarna tiltlaður „kvennagull“ eða „kvennamaður“. 

Þetta höfum við lengi heyrt og hneykslast og því miður er fátt sem bendir til að viðhorfið sé að breytast, nema þá helst hjá fólki sem er komið yfir fertugt.

Í árlegri könnun sem tímaritið Mens Health gerir til kynlífsviðhorfa karla kemur fram að 31% karla álíta konu druslu ef hún hefur sængað hjá 20 eða fleiri körlum.

Á sama tíma var gerð könnun þar sem konur voru fengnar til að svara sömu spurningum og niðurstaðan er sú að kynin gera klárlega ólíkar kröfur til kynlífshegðunar.

Rúmlega 8000 strákar og 1500 konur tóku þátt í þessum skoðanakönnunum.

Er ég drusla?

Bæði kynin virðast hallast að því að það sé ráðlegast að eiga ekki of marga rekkjunauta yfir ævina. Þó að 22% karlanna teldu að kona gæti átt allt að 50 elskhuga áður en hún fengi á sig druslustimpilinn voru 18% sem kalla okkur druslur eftir að hafa átt 10 bólfélaga!

Konur álíta að karlmaður fái sinn hórdóms stimpil þegar hann hefur komist í rúmið með 20-50 konum en aðeins 14% kvenna stimpla karlinn vergjarnan eftir að hann hefur átt 10 ástkonur.

Eldri konur eru umburðarlyndari gegn líflegri kynlífshegðun en þær yngri. Flestar konur, eldri en 25 ára, sögðu karlmenn þurfa að komast yfir fleiri en 50 konur til að fá á sig karlhórustimpil.

Strákar á aldrinum 15-19 ára voru dómharðastir meðan karlar 40 ára og uppúr voru sammála um að það skiptir ekki máli hvað þú sefur hjá mörgum – þú færð aldrei druslu eða karlhórustimpilinn á þig.

Öðruvísi fyrir einhleypa

Það þarf hvorki langa né flókna útreikninga til að átta sig á að manneskja sem er ekki í langtímasambandi lifir öðruvísi ástar og kynlífi en sú sem á í löngu sambandi. Þannig eignast hún jafnframt fleiri rekkjunauta og því lengur sem einhleypingslífið stendur því fleiri bólfélagar án þess að neinn sé að fara að hegða sér eins og Annabel Chong.

Lauslæti hefur lítið að gera með fjölda bólfélaga. Lauslæti snýst frekar um viðhorfið til þín sjálfrar og einstaklinganna sem þú sængar hjá. Það sama gildir í þessu hjá bæði körlum og konum.

Það er samt auðvelt að fá á sig druslustimpilinn ef Katie Price er tískufyrirmynd þín og FB statusarnir „Vá, omg hvað ég er hjólbeinótt eftir nóttina, man ekki einu sinni hvað hann heitir“ – þá hefurðu unnið þér inn fyrir þessu. Hinsvegar þarf enginn að uppnefna þig þó þú hafir átt öruggar og góðar gleðistundir með sætum strákum -svo lengi sem þú passar að segja ekki öllum og ættingjum hans frá því.

Þitt kynlíf er þitt einkamál og kemur engum við. Fjöldinn er líka þitt mál svo hættu bara að telja og haltu áfram að njóta lífisins með öryggið á oddinum.

Smelltu HÉR til að lesa meira um þessa könnun á Mens Health.