1519638_810160459061843_357108551599251998_o

Sá útlitslegi stíll sem heillar mig hvað mest er stílhreinn, fágaður og pjattustest copyklassískur.

Ég varð því ótrúlega hrifin og heilluð þegar ég sá fyrst hálsmenin frá Twin Within. Það sem greip mig fyrst við hönnunina var hversu stílhrein hún er, samt alveg einstök og fljót að fanga athygli fagurkera og pjattrófu 💞

Búið til í höndum og hannað af ást og umhyggju

Öll hálsmenin frá Twin Within eru handgerð. Þetta eru „statement“ hálsmen en fáguð í leiðinni. Ég hafði fyrst séð þau í versluninni Hrím á Laugarvegi og dreymdi lengi um að kaupa eitt slíkt.

13184578_10154190828225798_568649865_o
Elba festin – svört og hvít.

Ég lét svo verða af því að eignast þetta og pantaði mér Capri festi frá þeim fyrir mars. Ég varð svo sannarlega ekki fyrir vonbrigðum, ég dýrka það!

13120624_10154190827900798_899065937_o
Capri festin.

Seinna fékk ég svo Elbu festi að gjöf og ég er líka alveg brjálæðislega ánægð með hana!

Búið til á Filipseyjum af mæðrum í neyð

Fyrirtækið er rekið af Kristínu Maríellu sem er gömul skólasystir mín úr grunnskóla. Hún stofnaði upphaflega fyrirtækið með systur sinni en sér núna ein um reksturinn ásamt manninum sínum. Þau hjónin búa í borginni Singapore ásamt tveggja ára dóttur.

2014-10-25_01.59.55_large
Kristín fyrir miðju, maðurinn hennar Orri og dóttir þeirra Ylfa ásamt konunum sem búa til festarnar.

Það sem gerir Twin Within líka að einstöku merki er framleiðslan á festunum. Twin Within starfar með mannúðarsamtökunum FOCOLARE sem eru staðsett á Filippseyjum. Konurnar sem búa til hálsmenin eru mæður í neyð og eru allar festarnar handgerðar af þeim en þessar konur hafa ekki marga kosti í sínu heimalandi og því er góðverk unnið með því að útvega þeim þetta starf.

12249709_910613149016573_3694001745674869884_n

Ef þú ert fyrir fallega hönnun þá mæli ég eindregið með að kíkja á festarnar í Hrím eða í Mýrinni. Þær eru svo fallegar.

Svo er líka hægt að panta bara beint af heimasíðu Twin Within og einmitt núna er 20% afsláttur af öllum festunum! Þú slærð einfaldlega inn kóðann ‘TWINWITHIN20’ þegar þú greiðir.