figs03

Katrín Björk er ljósmyndari að mennt og býr í Kaupamannahöfn. Hún heldur úti dásamlega lífstíls- og matarblogginu, Modern Wifestyle.

Hér deilir hún með okkur girnilegri uppskrift sem virkilega fær bragðlaukana á fleygiferð. Þetta er einfaldur réttur sem kallar á gott rauðvínsglas með.

Rétturinn er ekki einungis bragðgóður heldur er hann einnig ansi fallegur á diski. Þetta er virkilega sniðug hugmynd til að bjóða fram sem eftirrétt eða sem dekur snakk ,  á góðu haustkvöldi. Fíkjur passa nefnilega vel við hvaða osta sem er.

figs04

INNIHALD

4 Fíkjur
2 msk. Hunang
2 tsk. Eplaedik
1 tsk. Olívuolía
Nokkrir stilkar ferskt rósmarín
Salt

figs02

AÐFERÐ

Bræddu hunang, edik og olíu saman í lítilli pönnu á vægum hita. Bættu rósmaríninu í og leyfðu að malla í svolitla stund.

Skerðu fíkjurnar í tvennt og legðu í sírópið á pönnunni (opna hliðin niður). Hækkaðu hitann örlítið og leyfðu fíkjunum og sírópinu að karamellast, ca. 2 mín.

Taktu fíkjurnar af pönnunni, settu á diska eða bakka með uppáhalds ostinum þínum og sáldraðu örlitlu sjávarsalti yfir og að lokum nokkrum dropum af karamellunni sem eftir er á pönnunni.

figs01

Hér eru fleiri spennandi uppskriftir eftir Katrínu Björk: Bókhveiti Vöfflur,  Íslenskur Birkikokteill – Súkkulaði Pæ