Hér er uppskrift að léttum og góðum Nutella búðingi sem inniheldur fáar hitaeiningar miðað við að vera eftirréttur.

Hér er notast við kornsterkju sem er mikið notuð í allskonar bakstur og rétti bæði í Evrópu og Bandaríkjunum en þú færð þetta t.a.m í Kosti.

INNIHALD

3 1/2 matskeiðar kornsterkja (Cornstarch, fæst í Kosti)
2 bollar léttmjólk eða undanrenna
1/4 bolli Nutella
2 msk sykur
örlítið salt

UNDIRBÚNINGUR

Blandaðu saman kornsterkju við hálfan bolla af mjólk í skál þar til sterkjan leysist alveg upp. Hitaðu restina af mjólkinni saman við nutella, sykur og salt í litlum potti á lágum hita þar til allt er bráðnað saman. Hrærðu stöku sinnum í.

Hækkaðu hitann þar til þetta sýður næstum því (þá byrjar að rjúka úr pottinum). Hrærðu aftur í blöndunni af sterkju og mjólk og láttu renna út í nutellað hægt og rólega meðan þú hrærir viðstöðulaust í á meðan. Láttu nú krauma og haltu áfram að hræra í með sósuþeytara í eina og hálfa mínútu sirka.

Helltu í fjóra bolla og settu plastfilmu yfir svo að ekki myndist skán á búðingnum. Láttu þetta inn í ísskáp og láttu bíða í tvo tíma. Berðu fram kalt.

Hver skammtur inniheldur frá 230-300 hitaeiningar og það má bæta smá súkkulaði út í Nutella blönduna. Namm namm!