11850327_132914030390526_1184560468_nHver elskar ekki Dumble karamellur? Og hver elskar ekki bollakökur?

Hér kemur uppskrift að gómsætum súkkulaði bollakökum með Dumble kremi. Ég mæli með að allir prófi þessa uppskrift, þar sem þetta er ein sú allra besta sem ég hef smakkað!

INNIHALD

2 dl hveiti
1,5 dl sykur
6 msk bökunarkakó
1 tsk salt
1 tsk matarsódi
3 egg
2,5 tsk vanilludropar
0,5 dl olía
1 dl kalt vatn

AÐFERÐ

1. Sigtið saman þurrefnin svo ekki myndist kekkir
2. Þeytið saman egg, olíu, vatn og vanilludropa
3. Bætið þurrefninum saman við og blandið vel
4. Skiptið niður í um 20-25 stk bollakökuform og bakið við 180 gráður í um 15 mínútur
5. Látið kólna áður en kremið er sett á kökurnar

Dumble krem

INNIHALD

200 gr Dumble karamellur
0,5 dl rjómi
40 gr smjör
2 stk eggjrauður
50 gr flórsykur

AÐFERÐ

1. Bræðið saman karamellurnar, smjörið og rjómann við lágan hita, hrærið vel í
2. Þeytið saman eggjarauður og flórsykurinn
3. Látið Karamellublönduna aðeins kólna og blandið henni því næst saman við eggjrauðurnar, leyfið svo blöndunni aðeins að standa á borðinu í um 10-15 mínútur svo að hún fái að þykkkna aðeins upp.
4. Berið kremið yfir hverja köku fyrir sig, ágætt að láta kökurnar í kæli svo að kremið fái að storkna.

Dásamlegar kökur sem eiga eftir að slá í gegn! Algjört nammi!