Þegar hungrið sverfur að á milli mála er besta ráðið að skella í góðan heilsudrykk.

Þannig nærir maður líkama og  sál af dásamlega hollu góðgæti, slær á sykurþörfina á skjótan máta og mettar magann um leið.

Hér gef ég uppskrift að einum slíkum sem er í uppáhaldi á heimilinu um þessar mundir.

Drykkurinn er svo saðsamur að hann gæti jafnvel komið í stað máltíðar.

Stútfullur af vítamínum, kalki, járni, sojaprótíni og hollri fitu gefur drykkurinn líka frábært start inn í nýjan dag og er því fínasti morgunverður.

 Uppskriftin er fyrir tvo drykki.

  • 2 dl sojamjólk
  • 1 banani
  • 2 handfylli spínat eða annað grænt salat
  • 15-20 heilar möndlur
  • ½ kiwi, (hýðið flysjað af)
  • 1-2  dl klakar

Allt sett í góðan blandara og þeytt vel saman þar til drykkurinn verður mjúkur og fínn.