Screen Shot 2014-12-23 at 14.58.05

Þessar fallegu og undur góðu snittur er gaman að eiga á bakka inni í kæli. Í þetta góðgæti getur hann teygt sig í morgunsárinu með rjúkandi kaffibolla í hönd meðan myrkrið dvelur úti.

Þær eru meinhollar og tilvalin morgunbiti um helgar. Það verður að gera sér dagamun í desember og njóta í botn. Þetta eru lekkerar snittur, hollar og hressandi fyrir hjartastöðina.

Taktu nú til 4 sólkjarnabrauðsneiðar og smyrðu létt. Leggðu á sneið af léttu kjúklingaáleggi, svo bút af fersku grænu salati á hverja sneið. Því næst eru það jarðarber, skorin í litla bita, þá agúrkur, kokteiltómatar, örlitlir sítrónubitar, egg og í restina erum við með smá svartan pipar.

Það er svo kærkomið að eiga bæði hollustu og passlega jólasnittu í ísskápnum nú á þessum yndislega tíma sem framundan er.

Ég ætla nefninlega að sneiða fram hjá óhollustunni þessa aðventuna og vera á kafi í fæðu sem ég græði á frá toppi til táar.