sveindisegg5

Þessi réttur er tilvalinn sem fingramatur í partíið eða sem léttur forréttur í veisluna.

Ég er sérlega hrifin af þessari uppskrift vegna þess að hún uppfyllir allar mínar kröfur um góða uppskrift; hún er einföld, fljótleg í framkvæmd, bragðgóð og hráefnin eru ódýr! Annar plús við uppskriftina er að hún hentar líka þeim sem eru á paleo- og/eða lágkolvetnalífstíl. Það er því ekki eftir neinu að bíða – inn í eldhús!

INNIHALD

  • 6 egg
  • Hálft avocado, stappað
  • 3 beikonsneiðar, skornar í smáa bita
  • 3 matskeiðar af steikingarolíunni af beikoninu
  • 1-2 matskeiðar af sterkri sósu (t.d. hot sauce, chillisósa eða tabasco sósa)
  • Hálf til ein teskeið sjávarsalt, eftir smekk
  • Paprikukrydd, til skrauts

sveindisegg

AÐFERÐ

  • settu eggin í pott og láttu þau sjóða þar til þau verða harðsoðin, láttu þau svo kólna, skerðu þau þá langsum og taktu ggjarauðuna úr – settu eggjarauðurnar í skál og geymdu til hliðar.
  • raðaðu eggjahvítunum á disk.
  • bættu steikingarolíunni, 2/3 hlutum af beikonbitunum, avocadoinu, sterku sósunni og sjávarsaltinu við eggjarauðurnar og hrærðu öllu vel saman.
  • notaðu litla skeið til að setja blönduna ofan í eggjahvíturnar og stráðu restinni af beikonbitunum ofan á, kryddaðu síðan aðeins yfir með paprikukryddi.

 

sveindisegg3

sveindisegg2

 

Taraa… Tilbúið!

sveindisegg5