IMG_9393

Mikið sem ég eldaði agalega góða súpu í gærkvöld. Þessi súpa var akkúrat það sem mín bugaða lærdómsssál þurfti.

Kjúklinganúðlusúpa:
 
1 laukur
1/2 púrrlaukur
1 rauð paprika
2 kjúklingabringur
1 rautt chilli
4 hvítlauksrif
Góður bútur af engifer
1 dós kókosmjólk
500 ml vatn
1/2 – 1 teskeið cayenne pipar
1/2 – 1 teskeið chilliduft
1 kjúklingateningur
1 grænmetisteningur
Núðlur
Sojasósa
Lime
IMG_9374
Laukurinn er saxaður og leyft að malla í ólívuolíu í smástund.
IMG_9373
IMG_9378
Chillið, hvítlaukurinn og engiferið er saxað smátt. Þetta fer síðan í pottinn ásamt kjúklingabringunum. Þegar kjúklingurinn er farinn að taka lit má skella kókosmjólkinni, kryddinu og vatninu saman við.
Leyfið þessu að sjóða við vægan hita þangað til kjúklingurinn er fulleldaður.
IMG_9384

Áður en súpan er borin fram er dálítið af sojasósu skvett út í hana ásamt safa úr sirka hálfu lime. Þarna verðið þið eiginlega bara að smakka ykkur til.

IMG_9381

Núðlurnar eru soðnar og þær settar í skálar. Súpunni skellir maður svo yfir núðlurnar. Ég notaði heilhveitinúðlur í mína súpu. Ég er í minni hefðbundnu elífðarmegrun og sannfærði mig um að þær væru miklu hollari en venjulegar núðlur.

IMG_9390

Einföld og ótrúlega góð súpa. Ekkert endilega falleg á litinn en við lítum framhjá því. Mæli eindregið með henni.(Uppskriftin kemur héðan).