bláberjamuffins

Fórstu að tína bláber í haust? Þá er um að gera að nota þessar lystisemdir í ljúffengar múffur.

Hér erum við með krassandi bláberjamöffins sem einnig er hægt að gera banana og kókosbragð af eða bara bæði til að hafa smá fjölbreytni en þá skiptirðu deiginu í tvennt og setur ýmist bláber eða banana og kókosmjöl út í deigið.
Deig í 12 möffins
3½ dl hveiti
1½ dl haframjöl
2 tsk lyftiduft
2 dl hrásykur
sjávarsalt á hnífsoddi
2½ dl 18% sýrður rjómi
2 stk egg
1 tsk rifinn sítrónubörkur
¾ dl repjuolía
Fyrir bláberjamöffins:
3½ dl fersk eða frosin bláber
Fyrir banana og kókosmöffins:
1½ dl af maukuðum banana
1¼ dl kókosmjöl
Rjómaostakrem:
250 g rjómaostur við stofuhita
50 g mjúkt smjör
2 dl flórsykur (2-2,5 dl)
1 msk sítrónusafi
Aðferð: Stillið ofninn á 180°. Blandið saman þurrefnunum. Setjið kókosmjöl saman við ef gera á banana- og kókosmöffins. Hrærið saman í annarri skál sýrðum rjóma, eggjum, sítrónuberki og repjuolíu. Hér er gott að bæta bananamauki saman við hræruna ef gera á banana- og kókosmöffins. Bætið saman við þurrefnin og hrærið varlega. Hér er gott að bæta bláberjum saman við ef útbúa á bláberjamöffins. Skiptið deiginu niður á 12 möffinsform og bakið í 25 mínútur eða þar til bakað í gegn. Varist að ofbaka. Hrærið öllu saman sem á að fara í kremið og smyrjið því jafnt á kökurnar. Skreytið með kókosmjöli eða söxuðum hnetum.

Höfundur: Erna Sverrisdóttir og fleiri uppskriftir eftir hana er að finna á Gott í Matinn