www.pjatt.is

Í byrjun 19 aldar þjónaði þetta fallega hús því hlutverki að vera vatnsmylla. Það er staðsett í North Wales og er metið á eina milljón dali eða um 125 milljónir isk. Úff..enda erum við að tala um  hönnunarmeistaraverk!

Hlaðinn veggur á móti módern eldhúsvegg - smart

Mikill hluti var endursmíðaður en örfáir veggir fengu þó að halda sínu upprunarlega formi. Hlaðnir veggir á móti hvítum módern veggjum. Eins og sést vel hérna í eldhúsinu en eldhúsið er með hvítum nettum innréttingum. Á móti blasir við hlaðinn veggur sem er upprunarlegur og við hlið hans er glerveggur, þannig er samspil léttra og þungra hluta í fullkomnu jafnvægi í þessari fallegu og vel heppnuðu hönnun.

Algjört kósí herbergi - æðislegt!

Aðal svefnherbergið skartar þessu ofur fallega baðkeri! — það væri svo sannarlega ekki amarlegt að eiga svona fínt hús. Rúmið er einnig sérsmíðað úr gegnheilli eik og bæsuð í dökkum lit en flest húsgögnin eru sérsmíðuð úr gegnheilum við til að gera heildarmyndina í takt við húsið sjálft.

 Hönnuðum tekst ansi vel upp með þetta fallega og ævintýralega flotta hús. Draumur í dós.