image007

Þeir gleðipinnar sem hafa lagt leið sína á Marina Bar við Reykjavíkurhöfn hafa eflaust tekið eftir vinsældum þess að nota basil jurtina í kokteila.

Basil er kryddjurt sem við notum mikið við ítalska matargerð en basil hefur ferskan og ákveðinn keim sem setur okkur alltaf í góða stemmningu.

Föstudagskokteillinn að þessu sinni er sumarlegur, ferskur og góður, bragðmikill og frískandi.

Greip og basil Martini

  • 3cl Tanqueray
  • 2cl Greipsafi
  • 1cl gomma eða sykursýróp
  • 3 stór basil lauf

Hellið greipsafa og Tanqueray gini í blender með klaka og hristið vel, setjið gommu eða sykursýróp út í og hristið aftur. Sigtið klakann frá meðan hellt er í tvö martini glös og skreytið með basil.

Skál og gleðilegt sumar!