molten-cake

Finnst fátt betra en góður súkkulaði eftirréttur og þessi slær öllu við!

Þvílík bomba! Algjört lostæti með ís og jarðaberjum…mmm

INNIHALD

Fyrir 6

  • 140 gr smjör
  • 140 gr 70% súkkulaði
  • 2 egg
  • 3 eggjarauður
  • 140 gr flórsykur
  • 2 msk hveiti

AÐFERÐ

Smyrjið sex lítil suffleform með smjöri. Bræðið smjör og súkkulaði saman við vægan hita. Þeytið eggjarauður og egg vel saman, bætið flórsykrinum út í og þeytið vel. Því næst setjið þið súkkulaðiblönduna saman og hrærið vel í á meðan og að lokum bætið hveitinu út í og hrærið vel.

Hellið deiginu í formin og bakið við 200 gr heitum ofni í 11-12 mínútur (ath. fer samt eftir því hvernig ofninn er, minn er mjög nýlegur og öflugur svo ég hef þær aldrei lengur en 9-10 mínútur í ofninum… best að prufa sig áfram)

Bakið rétt áður en þær eru bornar fram því súkkulaðið á að fljóta út úr kökunni um leið og þú skerð í hana. Gott er að útbúa þetta til að morgni og geyma í ísskáp. Eins geymast þær vel í frysti.

Njótið alla leið – þessi er bara himnesk!