campCampari er sérstakur ítalskur drykkur sem margir elska þó bragðið sé umdeilt við fyrstu kynni.

Í raun má líkja Campari svolítið við ólífur, gráðaost og annað sem krefst svolítillar aðlögunar bragðlaukanna en eftir að sambandi hefur verið komið á er svolítið erftit að snúa aftur.

Bragðið er beiskt, sætt, mjúkt og ávanabindandi. Þetta er svokallaður apperatíf, enda aðeins 21% áfengur. 

Best er að drekka Campari alveg ískalt en því má einnig blanda í góða kokteila.

Sá frægasti og vinsælasti er eflaust Campari Sunrise en þessi drykkur var mjög vinsæll í Reykjavík á árunum 75-85 og ófáir Campari Sunrise pantaðir á börnunm í Hollywood og Þórs Café sem voru heitustu staðir borgarinnar í þá daga.

Þessi drykkur er ekki flókinn, þú þarft góðan appelsínusafa, appelsínu eða jarðarber, Campari og fullt af klaka.

Blandar einn hluta af Campari í þrjá hluta af appelsínusafa, fyllir glasið með klaka og skreytir með appelsínusneið. 

Svo er bara að rölta um með glasið í hönd, hugguleg í sumar – 70’s style. Einstaklega svalandi og góður drykkur!