www.pjatt.isHimneskur kjúklingur sem slær alltaf í gegn þegar ég ber hann á borð. Hann er fullkominn fyrir þá daga þegar tíminn er lítill (sem eru jú flestir dagar).

www.pjatt.is

Hráefni

  • 4 kjúklingabringur
  • 4 hvítlauksrif, söxuð smátt
  • 4 matskeiðar púðursykur
  • 3 tsk ólífuolía
  • sjávarsalt
  • pipar

Aðferð

  1. Hitið ofninn í 180°c, létt-smyrjið eldafast mót með smjöri.
  2. Steikið hvítlauk í olíu þar til mjúkur.
  3. Takið af hitanum og hrærið púðursykri saman við.
  4. Kjúklingurinn settur í mótið, sykur og hvítlauks blöndunni smurt yfir.
  5. Bætið við salt og pipar eftir smekk.

Bakið í 15-30 mínútur.

Fullkomið að bera fram með fersku salati og hrísgrjónum, t.d. basmati, hýðis, brún eða það sem ykkur finnst best.

Þessi dásemdar kjúklingur er einfaldur og sjúklega góður á bragðið. Algjörlega þess virði að prófa!