Biscotti (eða cantuccini) eru ítalskar „kex“ kökur. Sé þeim dýft í kaffi, te, kakó eða annað mýkjast þær upp og verða unaðslegar.

Biscotti með heslihnetum og möndlumwww.pjatt.is

  • 100 g heslihnetur (ég notaði muldar)
  • 100 g möndlur (flögur eða heilar)
  • 120 g 70% súkkulaði
  • 110 g hrásykur (best að nota ljósan og fínmalaðan)
  • 230 g spelt
  • 30 g kakó, hreint
  • 4 g instant espresso duft (má sleppa)
  • 1 tsk matarsódi
  • 1/4 tsk salt
  • 3 stór egg
  • 1 1/2 tsk vanilludropar úr heilsubúð
  • 2-3 msk vatn

AÐFERÐ

Hitið ofninn í 150 °c

Skerið niður súkkulaði mjög smátt. Sigtið saman spelt, kakó, expressó duft, matarsóda, hrásykur og salt.
Þeytið egg og vanilludropa saman, blandið því við þurrefnblönduna.
Bætið hnetunum og súkkulaðinu saman við, blandið öllu vel saman.

Stráið spelti á borðið og búið til tvo pulsulaga drumba úr deiginu (u.þ.b 25 cm langa og 5 sm í þvermál). Setjið þá á bökunarpappír á plötu og bakið í 35-40 mínútur, eða þar til sneiðarnar eru orðnar þurrar og harðar.

Takið úr ofni og látið kólna í um 20 mínútur.  Skerið í 2 sm sneiðar (eins og þið væruð að skera brauðsneiðar) og leggið þær aftur á plötuna og bakið á sitthvorri hliðinni í 15 mín á hvorri hlið.

Kælið á grind

Til skreytinga má „dazza“ bráðnu súkkulaði yfir…kökurnar geymast best í þoftþéttum umbúðum

 Njótið vel