Þessi súpa er mjög vinsæl á mínu heimili. Hún er bragðsterk, matarmikil og bara sjúklega góð.

Börnunum finnst hún líka góð því það er snakk í henni eins og þau segja.

Það sem þú þarft í súpuna er:

  • 2 stk Kjúklingabringur (smátt skornar)
  • Heinz chili sósa
  • 1 flaska Maukaðir tómatar frá Sollu
  • 1/2 – 3/4 Blaðlaukur
  • 1 stk rauð paprika
  • 1 stk Rautt chili (má nota líka þurrkað chili..nota þá 1 tsk)
  • 2 stk Meðal stórar gulrætur
  • 1 stk Laukur
  • 3 stk Hvítlauksgeirar
  • 1/2 dós af Rjómaosti
  • 1 peli Rjómi
  • 2 og 1/2 L Vatn
  • Rifinn ostur
  • Nachos
  • 3 tsk Karrý
  • 1 tsk Cumin (má sleppa)
  • Salt og pipar eftir smekk

AÐFERÐ

Skerðu allt grænmetið smátt og steiktu í stórum potti með smá ólivuolíu. Steikja í um 10 mínútur á vægum hita. Skerðu svo kjúklinginn niður í smáa bita og steiktu á pönnu. Kryddaðu kjúklinginn með salti, pipar og smá karrý. Fínt að brúna kjúklinginn vel á öllum hliðum.

Bættu svo kjúklingnum útí pottinn með grænmetinu.

Þegar þú ert búin að blanda grænmetinu og kjúklingnum saman er gott að setja vatnið, tómatana og Chili sósuna út í pottinn og hræra vel. Kryddaðu með karrý og cumin.

Leyfðu suðunni að koma upp og súpunni að malla í 10-20 mínútur. Núna bætirðu rjómaostinum og rjómanum útí og leyfir að sjóða á vægum hita í 30 mínútur.

Gott er að smakka súpuna aðeins til og bæta salti og pipar út í eftir þörf. Þegar súpan er tilbúin þá seturðu hana í súpuskálar, brýtur nachos yfir súpuna og stráir rifnum osti yfir.

Sjúklega góð súpa sem má hita upp aftur og aftur. Einnig er hún vinsæl í afmælisveislur, fermingarveislur og önnur matarboð. Njótið vel…mmmmm!