www.pjatt.is

Hver slær hendinni á móti súkkulaði drykk í bítið? Það veitir svo mikla hamingju!

Þessi drykkur er sjúklega mikill unaður! Svo er hann líka hollur og góður… og NÚNA er rétti tíminn til að undirbúa hann því verður bragðgóður yfir nóttina.

INNIHALD

  • 1/2 dl  haframjöl
  • 1 dl möndlu, soja eða kókosmjólk
  • 1 msk hreint kakó, lífrænt
  • 1 tsk kanill (ég nota alltaf krydd frá pottagöldrum)
  • 1 msk Agave síróp, hunang, hlynsíróp eða annað sætuefni eftir smekk
  • 1 lítill banani, skorinn í bita og fryst yfir nótt

AÐFERÐ

Setjið hafra, mjólk, kakó, kanil, og sætuefni í skál. Hrærið saman og geymið inni í ísskáp í nótt.

Og í fyrramálið – Blandið saman banana og hafra blöndunni, skellið í ‘blender’ og hrærið þar til allt hefur blandast vel saman. Bættu við mjólk ef þér finnst hann of þykkur.

Þessi drykkur toppar tilveruna..njótið í botn, SKÁL Í SÚKKULAÐI!