Þessi súpa getur allt! Hún er frábær hversdags því hún er einföld og alltaf góð – svo er hægt að spariklæða hana og þá er hún frábær í veislur líka!

Svona er hún einföld

  • 2 laukar (æði að nota hvítan lauk)
  • 3-4 hvítlauksgeirar
  • Ólífuolía
  • 1/2 blómkálshöfuð
  • 1 stór kartafla
  • 3-4 gulrætur
  • 1 krukka maukaðir tómatar (nota oftast frá Sollu)
  • 3 msk tómatþykkni
  • 1 1/2-2 l vatn
  • 4 grænmetisteningar (ég nota alltaf teninga án msg)
  • 3 dl spelt pasta
  • nýmalaður pipar, eftir smekk
  • 1 tsk merian
  • ferskur parmesan
  • ferskt búnt af steinselju

AÐFERÐ

Skerið laukinn smátt og steikið í olíunni í potti í 3-5 mín. Pressið hvítlaukinn út í og steikið áfram í ca. 1-2 mín. Kljúfið blómkálið í lítil blóm, skerið gulrætur, kartöflur í bita og bætið öllu út í.

Steikið í 3-4 mín.

Setjið 2 lítra af vatni út í ásamt tómötunum, tómatþykkninu og hrærið. Bætið grænmetissteningunum út í. Kryddið með merian og pipar. Leyfið suðunni að koma upp. Sjóðið súpuna í 20 mín, bætið þá pastanu út í og sjóðið skv. leiðbeiningum á pakka, ca. 10 mín.

Sáldrið steinselju og parmesan yfir og berið fram með nýbökuðu brauði. Njóta njóta njóta!!!