Fyrsta morguninn minn í Vestmannaeyjum um daginn álpaðist ég inn á fyrsta kaffihúsið sem ég fann.

Vinaminni er staðsett í einu verslunarmiðstöðinni í Vestmannaeyjum en það er bæði gengið inn frá Vesturvegi 5 og Bárustíg (gegnt Sparisjóðnum)

Þegar ég gekk inn á staðinn tók ég strax eftir hvað tónlistin heillaði mig, róleg frönsk tónlist og gömlu góðu íslensku lögin: „Ég veit þú kemur í kvöld til mín“, starfsfólkið gaf frá sér mikla gleði og mér leist hrikalega vel á kaffibollan sem var verið að blanda fyrir viðskiptavininn á undan mér.

Við turtildúfurnar pöntuðum okkur nýsmurt rúnstykki, heitt kakó gert úr 55% belgískum súkkulaðidropum og þrefaldan kaffi latte sem kallast því gælunafni Gibson (Af því að Mel Gibson pantaði sér svona kaffi á Íslandi einhverntíman) og fengum okkur sæti upp við vegginn.

Ekki var verra fyrir turtildúfutölvunerðina að uppgötva að rafmagnstenglar voru út um allt á kaffihúsinu og ókeypis þráðaust net og var ákveðið að þetta yrði sko staðurinn til að fara á alla morgna og rúmlega það þegar við værum í Eyjum. Sem svo rættist þar sem á sunnudeginum var leiðinlegt veður og við héngum á Vinaminn í fjóra tíma! Hvernig var annað hægt, með Internet, bestu Bounty Köku sem ég hef smakkað, unaðslegt kaffi og belgískt súkkulaði *mmmmmm*

Vinaminni þykir einstaklega hentugt fyrir lifandi tónlist og upplestur og er mikil menning þar og er gott pláss fyrir tónlistarfólk og aðra listamenn, góð lýsing og hljómburður í hæðsta gæðaflokki en Kaffihúsið tekur 70 manns í sæti.

Kíktu á heimasíðu Vinaminni en þar er magskonar fróðleikur um kaffihúsið og sögu þess, hvaða uppákomur eru í boði og það sést langar leiðir að eigendur kaffihússins leggja sál sína og ást í þennan stað.

Svo bara skella sér í einni kaffibolla og fá sér Bountykökuna þegar þú ferð næst til Eyja!