HEIMILI: Ótrúleg fegurð í Ístanbúl – nútímahönnun eins og hún gerist best

Þetta svakalega fallega hús er staðsett í Ístanbúl, Tyrklandi.

Húsið fagra er nútímalega hannað og gullfallegt…. Gólfefnin eru parket og flísar og ná þau að tengja flísarnar við veggina á einstaklega flottan hátt. Flísarnar eru á gólfi og veggjum á baðherbergjunum og eins á vegg inn í stofu og kringum ísskápinn í eldhúsinu. Kemur frábærlega út!

Lýsingin í húsinu er líka einstök. Leikið er með lýsinguna og gerir hún rýmið enn fallegra. Takið eftir lýsingunni á baðherberginu, sérstaklega undir baðkerinu. Það er eins og baðkerið fljóti í herberginu. Mjög flott og gerir setur vissulega flottan svip á baðherbergið. Húsgögnin og innréttingarnar eru sérsmíði frá arkitektunum en önnur húsgögn eru valin af mikilli list. Litir og form njóta sín fullkomlega.

Takið einnig eftir stiganum; flísalagður,  tíu cm á breidd og fær að „anda“ á milli þrepa. Svæðið undir stiganum er nýtt undir steina sem eru upplýstir með flottir vegglýsingu. Kemur mjög vel út. (Oft er þetta svæði algjörlega ónýtt hjá fólki og er þetta því flott lausn)

Fataherbergið er guðdómlegt!! Ég gæti búið í því! Glerveggir, létt hvít gluggatjöld og takið eftir skóhillunum….ohh dásemd ein! Þetta er klárlega eitt af þeim fegurri húsum sem ég hef séð!

Höfundur: Guðrún J. Halldórsdóttir

Guðrún J. Halldórsdóttir
Guðrún J. Halldórsdóttir er innanhúss- og húsgagnahönnuður. Hún bjó í Flórens á meðan náminu stóð og hreinlega elskar allt sem tengist Ítalíu! Matinn, menninguna og lífsstílinn. Guðrún hefur margra ára reynslu við að hanna íbúðir, veitingahús og hótel. Hennar helstu áhugamál eru hönnun, tíska, matargerð og gömul húsgögn með sál. Eins rekur hún Mio-design en þar er boðið upp á hönnun og/eða ráðgjöf fyrir heimili og eins hluti hannaða úr íslenskum efnum fyrir heimilið. Guðrún er sporðdreki og Tígur í Kínversku stjörnuspánni.
DeilduFacebookPinteresttumblrEmailTwitterGoogle+