Avocado er einstaklega hollur fitugjafi og er hrikalega gott að setja ávöxtinn í salatið eða gera sér guacamole.

Það tók mig dágóðan tíma að læra að kaupa Avocado. En oftar en ekki kom ég heim með kannski þrjá ávexti og endaði uppi með að geta notað tæplega einn!

Það var ekki fyrr en Solla á Gló benti mér á hvernig ætti að versla inn Avocado en í staðinn fyrir að velja sér ávöxt sem er mjúkur viðkomu á maður að kaupa hann grjótharðann!

Ávöxturinn er einstaklega viðkvæmur fyrir hitabreytingum og þar sem eru oft miklar hitabreytingar í matvörubúðum þá viljum við að hann þroskist hjá okkur á eldhúsbekknum í staðinn fyrir að misþroskast í búðinni.

Núna kaupi ég ávöxtin grjótharðann, læt hann standa á borðinu í 3-4 daga og skelli svo inn í ísskáp!

Með þessu get ég átt Avocado inn ísskáp lengi lengi og þegar ég ætla að skella í mig mexíkóskum mat, eða hálfu avocado með kotasælu og smá salti, þá er það ekkert mál! Það er alltaf á réttu þroskastigi.

SNIÐUGT!